Arsimi profesional në Rrëshen – Manja: Ka përgatitur 450 të rinj për tregun e punës!

E. S / SCAN

Ministri i Drejtësisë Ulsi Manja, gjatë vizitës së tij në shkollën e mesme profesionale “Shën Jozefi Punëtor” në Rrëshen ka bërë me dije se ky institucion ka mirëpritur 157 nxënës të rinj nga e gjithë Shqipëria, duke tejkaluar kapacitetin e tij.

“Kombinimi i dijes me praktikën në këtë shkollë model ka përgatitur me sukses 450 të rinj për tregun e punës”, është shprehur Manja.

Ai bën me dije gjithashtu se nga 1 janari 2025, shkolla do të financohet nga buxheti i shtetit, por do të ruajë të njëjtin staf dhe menaxhim në bashkëpunim me dioqezën katolike.

Ndërkaq ministri njofton se objektivi i radhës do të jetë një konvikt modern për të përmirësuar cilësinë e arsimit!