Banorët që jetojnë mbi tonelata diamantesh – Askush nuk ka ndërmend t’i nxjerrë nga nëntoka

Banorët e sotëm të Nerdlingen e dinë se jetojnë mbi tonelata diamantesh, por nuk kanë ndërmend të shkatërrojnë qytetin për t’u pasuruar. Ata nuk do të mund të merrnin një çmim të mirë për gurët e vegjël, qoftë edhe për një sasi të madhe, sepse janë më të vegjël se 0.2 milimetra.

Qyteti Nerdlingen në Bavari është ndërtuar mbi diamante që datojnë 15 milionë vjet më parë, kur një asteroid goditi Tokën. Gjeologët vlerësojnë se gjerësia e asteroidit ishte një kilometër, ashtu si Nerdlingen i sotëm dhe peshonte rreth tre miliardë ton.

Ndikimi rriti temperaturën dhe presionin mjaftueshëm për të formuar një përzierje qelqi, kristalesh dhe diamanti ose sueviti. Vlerësohet se në zonën e Nerdlingen ka rreth 72 mijë ton diamante.

Kur banorët e parë erdhën miliona vjet më vonë, ata as nuk e dinin se po ndërtonin shtëpi në tokë të çmuar. Për vite me radhë, ata besonin se origjina e kraterit ishte vullkanike, derisa u konfirmua në vitet 1960 se ishte një asteroid.

Ata përdorën suevitin si material ndërtimi, pa e kuptuar se ai përbëhej nga diamante të imët; Kisha e Shën Gjergjit, si dhe muret mesjetare, janë shumë më të vlefshme se sa mund të mendohet në shikim të parë.

Qyteti gjerman përfiton në një mënyrë tjetër, turistët vijnë nga e gjithë bota për të parë arkitekturën vezulluese dhe për të vizituar Muzeun e Kraterit Ries, i cili strehon mostra të kraterave “të bëra vetë” si dhe ato nga pjesë të tjera të botës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.