‘Dremitje fuqizuese’: Sa duhet të zgjasë gjumi gjatë ditës për të qenë i mirë për trupin?

Edel Strazimiri / SCAN

 

Të bësh një sy gjumë, veçanërisht pas ngrënies, është një instinkt primordial: në fakt midis orës 13:00 dhe 14:00 temperatura e trupit bie pak, duke ulur vigjilencën tonë duke na ftuar të flemë. Megjithatë, që gjumi fuqizues ose ndryshe i quajtur ‘Power Nap’ të jetë vërtet i tillë, duhet të respektohen disa rregulla: së pari, shkoni në shtrat deri në orën 15:00 në mënyrë që të mos ndikoheni në pushimin e natës dhe më pas gjumi duhet të jetë i shkurtër, përtej pragut prej 20 minutash nga rënia në gjumë, përfitimet tejkalohen nga disavantazhet.

Kjo është kohëzgjatja ideale e gjumit për një “ringarkim të shpejtë”: gjumi mbetet në fazat sipërfaqësore duke e bërë të lehtë zgjimin. Fjetja për vetëm pesë minuta vështirë se përmirëson performancën njohëse (kujtesa, përqendrimi, vigjilenca), ndërsa duke e bërë këtë për 10 minuta rrit ndjeshëm rezultatet e performancës menjëherë pas zgjimit deri në 2 orë e gjysmë më vonë.

Mund të jetë kundërproduktive: nëse ngatërroni gjumin fuqizues dhe flini për më shumë se gjysmë ore, rrezikoni të zgjoheni të mërzitur. Më pas, mund të duhen edhe 30 minuta të tjera para se mendja juaj të jetë aq e qartë sa para se të shkoni në shtrat.

Nëse vërtet keni nevojë të relaksoheni, një orë ‘siesta’ do t’ju lejojë të hyni në gjumë të thellë. Në realitet, një dremitje e gjatë nuk është e rrezikshme në vetvete, përveçse ndjeheni të mërzitur dhe ndoshta nuk flini shumë gjatë natës. Një orë është kohëzgjatja më e mirë e gjumit për të rritur kujtesën, por zgjimi do të jetë vërtet i ngadaltë.

Një cikël i plotë gjumi prej 90 minutash

Nëse mund ta përballoni, një pauzë kaq e gjatë nuk bën dëm: kjo është kohëzgjatja e një cikli të tërë gjumi, duke përfshirë fazën REM. Ajo përfiton kujtesën procedurale. Dhe avantazhi është se nuk do të jetë e vështirë të zgjoheni.

Dy dremitje të fragmentuara janë më të mira. Sa i përket prindërve të rinj, të cilët pasditeve përpiqen të kompensojnë deficitin e gjumit të natës të shkaktuar nga të porsalindurit që qajnë, një studim i publikuar në Scientific Reports ka zbuluar strategjinë ideale të pushimit: dy seanca gjumi, një që zgjat 90 minuta ose një cikël i tërë gjumi, e ndjekur nga një gjumë 30-minutëshe janë zgjidhja më e mirë në krahasim me një gjumë të vetëm 120-minutësh.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.