Ligji i faljes fiskale/ Ja kush përfiton nga fshirja e detyrimeve dhe kamatëvonesave
Drejtoria e Përgjithshme e Tatimeve ka publikuar sqarimet më të fundit për zbatimin e ligjit “Për fshirjen/shuarjen e detyrimeve tatimore të papaguara”, duke u bërë thirrje tatimpaguesve të përfitojnë nga lehtësitë fiskale brenda afateve të përcaktuara.
Sipas Administratës Tatimore, tatimpaguesit që duan të përfitojnë nga fshirja e 50% të detyrimit principal të papaguar për periudhën 2015–2019 duhet të shlyejnë 50% e mbetur deri më 30 qershor 2026. Nëse ky afat nuk respektohet, ata mund të përfitojnë nga fshirja e 25% të principalit, duke paguar 75% të detyrimit deri më 31 dhjetor 2026.
Tatimet sqarojnë se ligji zbatohet vetëm për detyrimet tatimore dhe doganore të papaguara ndaj administratës qendrore, vendore dhe doganore. Për rrjedhojë, nuk përfshihen në skemën e faljes gjobat për mosdorëzimin në afat të pasqyrave financiare apo për mosdeklarimin e pronarëve përfitues në Qendrën Kombëtare të Biznesit.
Një lehtësi e veçantë parashikohet për detyrimet e sigurimeve shoqërore dhe shëndetësore. Tatimpaguesit që kanë shlyer plotësisht principalin përfitojnë faljen e plotë të gjobave dhe kamatëvonesave për periudhën deri më 31 dhjetor 2024.
Për detyrimet e krijuara gjatë viteve 2020–2024 nuk parashikohet falje e principalit, por ligji mundëson fshirjen e gjobave dhe kamatëvonesave, me kusht që detyrimet të paguhen plotësisht brenda periudhës 10 qershor – 31 dhjetor 2026.
Administrata Tatimore bën të ditur se, pas shlyerjes së detyrimeve, do të procedojë me heqjen e masave shtrënguese, përfshirë zhbllokimin e llogarive bankare për tatimpaguesit që rezultojnë pa detyrime të papaguara.
Për të përshpejtuar procedurat, subjektet mund të paraqesin kërkesë për heqjen e masave përmes sistemit e-Filing, pasi të kenë verifikuar se nuk kanë detyrime të mbetura.
Nga përfitimet e ligjit përjashtohen tatimpaguesit e dënuar me vendim të formës së prerë ose ata që janë në hetim apo proces gjyqësor për vepra penale në fushën tatimore dhe doganore. Gjithashtu, nuk përfitojnë subjektet për të cilat ekziston një vendim gjyqësor i formës së prerë në favor të Administratës Tatimore.
Drejtoria e Përgjithshme e Tatimeve u bën thirrje të gjithë tatimpaguesve të informohen mbi kushtet dhe afatet e ligjit, në mënyrë që të mos humbasin mundësinë për të përfituar nga lehtësitë fiskale të ofruara.
Kush abuzon me fondet e BE, 2 deri 5 vite burg - Ndryshon Kodi Penal/ Forcohen masat ndaj mashtrimeve me fondet europiane
Qeveria shqiptare ka iniciuar ndryshime të reja në Kodin Penal, në kuadër të përafrimit të legjislacionit kombëtar me acquis të Bashkimit Evropian në fushën......
IA po transformon ekonominë dhe shoqërinë në Kosovë - Ministri Jagxhiu: Përdorimi i saj në të gjitha fushat, një domosdoshmëri
Inteligjenca Artificiale po transformon me shpejtësi ekonominë dhe shoqërinë në Kosovë, ndërsa përdorimi i saj në të gjitha fushat është tashmë një......
FSHZH, rikonstruksion rrugësh në disa qytete - Nga Kopliku, në Konispol. Investime në infrastrukturën rrugore
Fondi Shqiptar i Zhvillimit ka shpallur hapjen e dy procedurave të rëndësishme tenderuese, me një fond të përgjithshëm prej afro 850 milionë lekësh, për......
Kursi i këmbimit/ Forcohen Dollari amerikan dhe Paundi britanik
Dollari amerikan ka regjistruar rritje të lehtë të vlerës mëngjesin e kësaj të martë pasi krahasuar me një ditë më parë është blerë sot me 81.2 lekë dhe......
Tregjet vlerësojnë rikthimin e furnizimit me naftë - Çmimet vijojnë rënien pas arritjes së marrëveshjes së paqes SHBA-Iran
Çmimet e naftës zgjeruan humbjet të martën, ndërsa tregjet vlerësuan perspektivat për një rifillim të furnizimit përmes Ngushticës së Hormuzit dhe mungesës......
Regjistrimet globale të automjeteve elektrike - U rritën me 3% në maj, si rrjedhojë e shtrenjtimit të karburantit
Kërkesa globale për automjete elektrike u rrit për të tretin muaj radhazi në maj, pasi subvencionet dhe çmimet e larta të karburantit vazhduan të shtynin......
Revolucioni i energjisë së rinovueshme në Spanjë - Faturat e energjisë elektrike janë më të ulëta pavarësisht krizës
Faturat e energjisë elektrike në Spanjë kanë rënë, ndërsa shumë vende të tjera kanë parë një rritje që nga kriza energjetike e shkaktuar nga shpërthimi i......
“Nuk ka ngadalësim të ekonomisë globale” - Kreu i FMN, Georgieva: Rreziqet mbeten ende të larta
Ekonomia botërore po përballet me tronditjen e luftës në Lindjen e Mesme ende pa shenja të një ngadalësimi global, por rreziqet mbeten të larta, tha shefja e......
