Tatimet u japin një mundësi të dytë prindërve: Riaplikim për kompensimin e shpenzimeve arsimore
Individët të cilëve u është refuzuar kërkesa për përfitimin e kompensimit nga zbritja e shpenzimeve arsimore për fëmijët, për shkak të mungesës së faturave të fiskalizuara, do të kenë mundësinë të riaplikojnë dhe të përfitojnë nga skema, nëse plotësojnë dokumentacionin e kërkuar.
Administrata Tatimore ka nisur njoftimin e aplikuesve, dosjet e të cilëve nuk janë miratuar gjatë procesit të verifikimit për shkak se nuk janë ngarkuar faturat tatimore që provojnë shpenzimet e deklaruara për arsimin e fëmijëve.
Sipas sqarimeve zyrtare, refuzimi i parë i aplikimit nuk nënkupton humbjen e të drejtës për kompensim. Çdo individ që disponon faturat e fiskalizuara përkatëse mund të paraqesë një kërkesë të re, duke ndjekur procedurat e përcaktuara nga Drejtoritë Rajonale të Tatimeve dhe duke ngarkuar dokumentacionin justifikues në sistem.
Administrata Tatimore thekson se faturat e fiskalizuara janë një kusht i domosdoshëm për miratimin e zbritjes së shpenzimeve, në përputhje me legjislacionin në fuqi për tatimin mbi të ardhurat personale.
Nga kjo skemë përfitojnë individët me të ardhura bruto vjetore deri në 1.2 milionë lekë dhe që kanë fëmijë në ngarkim. Përveç zbritjes së tatueshme prej 48 mijë lekësh për çdo fëmijë nën moshën 18 vjeç, ata mund të përfitojnë edhe zbritjen e shpenzimeve të arsimit deri në 100 mijë lekë, me kusht që këto shpenzime të dokumentohen me faturat përkatëse.
Sipas llogaritjeve të administratës, përfitimi total për familjet që plotësojnë të dy kriteret mund të arrijë deri në rreth 250 euro.
Ndërkohë, në fund të muajit maj nisi edhe procesi i rimbursimit të tatimit për individët që kanë deklaruar fëmijët në ngarkim në Deklaratën Individuale Vjetore të të Ardhurave (DIVA) për vitin 2025.
Të dhënat zyrtare tregojnë se nga ky proces kanë përfituar 34.263 individë, ndërsa shuma totale e kthyer në favor të tyre arrin në 517.7 milionë lekë.
Administrata Tatimore bën me dije se strukturat e saj po ofrojnë asistencë për qytetarët që kanë nevojë të riaplikojnë, duke i ndihmuar në plotësimin e dokumentacionit dhe ngarkimin korrekt të faturave të fiskalizuara në sistem.
Luhatje në tregun valutor – Sa këmbehen sot monedhat e huaja?
Dollari amerikan ka pasur edhe këtë të martë një rritje të lehtë të kuotës në raport me një ditë më parë teksa është blerë sot me 81.8 lekë dhe është shitur......
Treni Durrës-Rrogozhinë, shtyhet afati i tenderit 90 mln euro - Forcohen kërkesat për standardet mjedisore, sociale dhe kualifikimin e stafit
Hekurudha Shqiptare ka shtyrë afatin për dorëzimin e ofertave në tenderin ndërkombëtar me vlerë 90 mln euro për rehabilitimin e linjës hekurudhore Durrës –......
Çfarë po shkarkojnë më shumë shqiptarët në celular? Progamet e motit dhe fotove, kryesojnë. Temu fiton sërish popullaritet
Aplikacionet në telefonat inteligjentë janë bërë tashmë një pjesë e pandashme e jetës së përditshme. Nga komunikimi dhe argëtimi, te blerjet online, navigimi......
Ku renditet vendi ynë mes investitorëve globalë? Nga SHBA te Kina, kush dominon botën? Shqipëria, në vendin e 73-të
Shtetet e Bashkuara, Japonia dhe Kina vijojnë të dominojnë investimet e huaja direkte në nivel global. Vetëm këto tri ekonomi investuan jashtë kufijve të......
Ndryshime në taksa për të ulur faturat e energjisë - Propozimi i BE pjesë e përgjigjes ndaj pasojave të luftës në Iran
Bashkimi Evropian po përgatit ndryshime në taksat e energjisë dhe tarifat e rrjetit, duke përfshirë planet për të taksuar energjinë elektrike me një normë më......
Ku janë banesat më të shtrenjta në Evropë? - Katër nga pesë qytetet e para ndodhen në Zvicër dhe Luksemburg
Të dhënat e reja nga Global Property Guide tregojnë se katër nga pesë qytetet më të shtrenjta për prona banesore ndodhen në Zvicër dhe Luksemburg, me Zyrihun......
Kostot e karburantit të linjave ajrore amerikane - U rritën në 6.5 miliardë dollarë në prill nga mbyllja e Hormuzit
Kostot e karburantit për linjat ajrore amerikane u rritën me 78% në prill në gati 6.5 miliardë dollarë krahasuar me një vit më parë, ndërsa konflikti në......
“Krizat do të jenë normale në ekonominë globale” - Paralajmërimi i kreut të FMN-së, Kristalina Georgieva
Kryetarja e Fondit Monetar Ndërkombëtar (FMN), Kristalina Georgieva, paralajmëroi se lufta në Iran nuk është më e keqja që mund t'i ndodhë njerëzimit. Në të......
