2026 nis “mbarë” për turizmin/ Vizitorët shënuan 15.1% rritje, me fluks të lartë nga rezidentët
Gjatë muajit të parë të vitit 2026, numri i vizitorëve që u akomoduan në strukturat akomoduese në Shqipëri shënoi një rritje të ndjeshme prej 15.1% krahasuar me të njëjtën periudhë të vitit të kaluar. Ky trend tregon se edhe në muajin e janarit, kur nuk konsiderohet sezoni turistik i lartë, turizmi në vend vazhdon të regjistrojë fluks pozitiv vizitorësh.
Të dhënat e INSTAT tregojnë se vizitorët rezidentë kanë shënuar një rritje prej 16.8%, ndërsa vizitorët jo-rezidentë u rritën me 13.8%. Një faktor i mundshëm që ndikoi në këtë trend është prezenca e emigrantëve që vizituan vendin gjatë festave, të cilët përveç takimeve familjare, mund të kenë zgjedhur të bëjnë edhe pushime.
Sa i përket net-qendrimeve, ato gjithashtu shënuan një rritje të përgjithshme prej 9%. Në detaje, net-qëndrimet e vizitorëve rezidentë u rritën me 16.4%, ndërsa vizitorët jo-rezidentë regjistruan një rritje më modeste prej 4.3%.
Analiza rajonale tregon se qendra e vendit vazhdon të jetë destinacioni më i frekuentuar nga vizitorët, e ndjekur nga veriu, ndërsa jugu ka numrin më të ulët të vizitorëve. Edhe zonat jo-bregdetare kanë tërhequr një numër të konsiderueshëm vizitorësh, duke sugjeruar një diversifikim të interesit turistik dhe zhvillimin e turizmit brenda vendit, përtej destinacioneve bregdetare tradicionale.
Për sa i përket vizitorëve të huaj, Italia dominon me pjesëmarrjen më të madhe, duke përbërë 25% të totalit, e ndjekur nga Kosova me 14%. Gjermania kontribuoi me 6%, ndërsa Mbretëria e Bashkuar dhe Franca sollën respektivisht 5% dhe 4% të vizitorëve të huaj. Ndërsa nga vendet e tjera kanë ardhur 46%. Kjo tregon se Shqipëria vazhdon të mbetet një destinacion atraktiv për vendet fqinje dhe ato europiane, madje edhe jashtë sezonit të verës.
Në aspektin e performancës hotele, norma e shfrytëzimit të dhomave arriti 15.4%, një rritje nga 14.5% që ishte në janar 2025. Ky tregues tregon një zhvillim gradual të turizmit, duke reflektuar një interes më të qëndrueshëm të vizitorëve për të qëndruar në hotele, edhe në periudha jashtë sezonit të madh turistik.
Live TV
Who will build the Milot–Balldren highway? - Sallillari is announced the winner of the competition for the strategic infrastructure project
The Salillari Group has been announced the winner of the procedure for the construction of the Milot-Balldren highway, one of the most important segments of......
"EU to accelerate the integration of the Western Balkans" - Rama from the Summit: EU must be bolder about enlargement
Prime Minister Edi Rama calls on the EU to show more political courage and accelerate the integration of the Western Balkan countries, gradually including......
The winner for the Milot–Balldren highway is announced - One of the largest road projects in the country is about to start
The winner of the competition for the construction of the Milot-Balldren road axis has been announced, bringing one of the most important infrastructure......
Ibrahimaj: "Lutech" investment confirms Albania's potential as a center of innovation and technology in the region
The Minister of Economy and Innovation, Delina Ibrahimaj, participated in the inauguration ceremony of the new headquarters of the company "Lutech" in......
