Fenomeni klimatik La Niña mund të shkaktojë dëme prej 1 trilion dollarësh në të gjithë botën!

Shkencëtarët kanë vlerësuar efektet afatgjata të proceseve atmosferike që shkaktojnë stuhi të forta, përmbytje dhe thatësira në të gjithë Tokën.

Deri në fund të vitit 2023, fatkeqësitë natyrore do të shkaktojnë rreth 1 trilion dollarë dëme për shkak të ndikimit të vazhdueshëm të La Niña, një fenomen global klimatik në Oqeanin Paqësor. Kjo është raportuar nga Bloomberg, duke cituar një studim të Qendrës së Parashikimit të Klimës në SHBA.

La Niña shoqërohet me ftohje në shkallë të gjerë të sipërfaqes së ujit në rajonet qendrore dhe lindore të Oqeanit Paqësor ekuatorial, e kombinuar me ndryshimet në qarkullimin atmosferik tropikal. Kjo gjeneron erëra të forta, rënie të presionit dhe reshje të fuqishme.

Sipas parashikimit të Qendrës Amerikane të Parashikimit të Klimës, probabiliteti që ftohja e pjesës ekuatoriale të Oqeanit Paqësor të zgjasë deri në tetor është rritur në 97%.

Dhe ka një shans 80% që La Niña të zgjasë deri në janar. Kështu fenomeni do të zgjasë për të tretin vit. Hera e fundit që ka ndodhur kjo ka qenë në vitet 1998-2001, dhe para kësaj, në vitet 1973-1976.

Fatkeqësitë e motit i kushtojnë botës 268 miliardë dollarë në 2020 dhe 329 miliardë dollarë në 2021, thonë shkencëtarët.

Nëse periudha e ardhshme është po aq e turbullt sa dy vitet e mëparshme, kostoja totale e fatkeqësive klimatike do të kalojë shifrën 1 trilion dollarë.

Meteorologët vunë në dukje se përmbytjet e fuqishme në Australi, thatësirat në Brazil, Argjentinë dhe vende të tjera të Amerikës së Jugut, si dhe përmbytjet e fundit në Pakistan, të cilat preku më shumë se 33 milionë njerëz, u shoqëruan me ndikimin e La Niña në 2022.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.