Fitorja e Trump, sektorët që preken në Europë – Ndikimi i një mandati të mundshëm në ekonominë dhe bizneset europiane

Dorina Kurtaj/ SCAN

Ndërsa shanset për rizgjedhjen e Donald Trump në presidencën amerikane tashmë rriten ndjeshëm – rreth 70%, Goldman Sachs përpiqet të diagnostikojë ndikimin e mundshëm të mandatit të tij të dytë si në ekonominë ashtu edhe në bizneset europiane në një analizë të re.

Trump është zotuar të vendosë tarifa 10% për të gjitha importet e SHBA-së, me Goldman Sachs që vlerëson se masat mund të dëmtojnë PBB-në e eurozonës me një pikë përqindje.

Ka edhe kompensime të tjera, si një dollar më i fortë dhe ulje të mundshme të taksave në SHBA, me vlerësimin e përgjithshëm të Goldman Sachs që tregjet europiane do të lëvizin anash, drejt ’emrave’ të cilësisë së lartë  të cilët duhet të tregojnë qëndrueshmëri më të madhe.

Goldman Sachs mblodhi pyetjet e investitorëve/klientëve të saj në lidhje me rizgjedhjen e Trump në nëntor. Pyetjet u fokusuan në tre fusha kryesore të politikave ekonomike: tarifat, taksat dhe rregullimin.

Për Europën, shqetësimi kryesor janë tarifat, me fokus shtesë në politikën e mbështetjes ushtarake të Trump për Ukrainën dhe presionet e sigurisë dhe mbrojtjes që kjo sjell për rajonin.

Efektet negative do të ishin më të mëdha në Gjermani se kudo në eurozonë, pasi ajo ka hapjen dhe mbështetjen më të madhe në aktivitetin industrial.

Në të kundërt, vende si Britania e Madhe dhe Spanja ka të ngjarë të preken më pak sepse ato janë më të përqendruara në shërbime dhe turizëm.

Nëse Europa kishte nevojë të shpenzonte më shumë për sigurinë ushtarake, ajo do të kanalizohej në kompanitë e mbrojtjes. Goldman Sachs vlerëson se kjo mund të arrijë në 0.5% të PBB-së në shpenzime shtesë – efekti shumëfishues i shpenzimeve ushtarake është i ulët dhe shpenzimet shtesë të qeverisë do të nënkuptonin borxhe/deficite më të larta dhe mund të kërkojnë shkurtime diku tjetër.

Ekziston gjithashtu mundësia që mallrat të hidhen në Europë, veçanërisht nga Kina nëse vendosen tarifa për mallrat që hyjnë në SHBA. Kjo ka potencialin të godasë në veçanti industrinë e automobilave dhe atë kimike.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.