“Investitorët e huaj, trajtohen si ata vendas” – Plaku: Lehtësitë fiskale e kanë kthyer Shqipërinë në vend strategjik për investime

Ledina Elezi / SCAN

 

Një investitor i huaj në Shqipëri trajtohet pothuajse njëlloj me një investitor vendas.

Në një intervistë për Televizionin SCAN, drejtoresha e Agjencisë Shqiptare të Zhvillimit të Investimeve u shpreh se klima mikpritëse e investimeve, lehtësirat fiskale dhe pozicioni gjeografik i Shqipërisë po tërheqin gjithnjë e më shumë investime.

Investimet kryesore janë të përqendruara në sektorin e pasurive të paluajtshme, energjisë, apo industrisë nxjerrëse.

Në gjysmën e parë të vitit, fluksi i investimeve të huaja direkte shënon vlerën 749 milionë euro.

Në krahasim me vitin e kaluar ku kjo shifër ishte 694 milionë, këtë vit vërehet një rritje me afro 8 %, ose 55 milionë euro.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.