Kushtetuesja shqyrton 4 padi për profesionet e lira – Zhvillohet seanca e parë, parashtrohen argumentet e grupeve të interesit

Gjykata Kushtetuese ka zhvilluar seancën e parë ku ka marrë në shqyrtim paditë e depozituara nga disa grupe interesi për shfuqizimin e pjesshëm të ligjit për tatimin mbi të ardhurat, në nenet që lidhen me taksimin e profesionistëve të lirë.

Në mbledhjen e parë është shqyrtuar padia e Partisë Demokratike,  e “Institutit të Kontabilistëve të Miratuar” (IKM),  “Institutit i Ekspertëve Kontabël të Autorizuar” (IEKA), dhe Dhomës së Avokatisë së Shqipërisë, në një seancë plenare publike, ku janë bërë prezente problematikat që sjell zbatimi këtij ligji për këto kategori,  diskriminimin në raport me subjektet e tjera si dhe është kërkuar veç të tjerash pezullim i tij deri në shqyrtimin e plotë të kërkesave.

Profesionistët e lirë mendojnë se pika kyçe ku ky ligj bie ndesh me Kushtetutën është diskriminimi që u bëhet në raport me bizneset e tjera të vogla të cilat janë të përjashtuara nga tatimi deri në vitin 2029.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.