Arsimi profesional synon të zgjerohet - Rama: Pagat e punonjësve në turizëm, njësoj me Greqinë dhe Kroacinë
Kryeministri Edi Rama deklaroi se arsimi profesional në vend ka pësuar një transformim të rëndësishëm gjatë viteve të fundit. Në Konferencën e 3-të Kombëtare të Arsimit dhe Formimit Profesional, Rama tha se objektivi i qeverisë është që në të ardhmen një në tre nxënës të ndjekë këtë rrugë arsimimi.
“Sot është një ditë e rëndësishme, pasi 3 500 maturantë të arsimit profesional po zhvillojnë provimet e tyre. Është gjithashtu një ditë kur bilanci i deritanishëm është domethënës dhe shumë inkurajues.
Kur e nisëm këtë rrugë, gjetëm një arsim profesional të degraduar dhe të padobishëm për të rinjtë, të cilët nuk gjenin aty kushtet e nevojshme për të mësuar zanatin e tyre. Nuk kishte laboratorë, mungonin kushtet minimale infrastrukturore dhe nuk ekzistonte asnjë lidhje mes arsimit profesional dhe tregut të punës.
Sot situata është krejt ndryshe. Të rinjtë që zgjedhin arsimin profesional përbëjnë 20% të nxënësve dhe kjo është vetëm një fazë, pasi synimi ynë është që një në tre nxënës të zgjedhë arsimin profesional”, tha Rama.
Më tej, kryeministri tha se investimet e mëdha të huaja nuk kanë si qëllim të marrin punonjës të huaj, me kosto të ulëta.
“Ideja që resortet janë për të pasurit ose për punonjësit nga Filipinet e Bangladeshi, sepse paguhen më pak, është një ide që nuk ka lidhje me realitetin.
Së pari, nuk kemi një numër të lartë investitorësh në turizëm. Vetëm së fundmi ka nisur një interesim, i cili lidhet me suksesin e turizmit. Më parë kishte pothuajse zero interes. Shqipëria dhe natyra shqiptare ishin po aq të bukura sa janë sot, por nuk kishte interes për të investuar. Pavarësisht problematikave dhe mangësive që ka pasur zhvillimi i ndërtimit në turizëm, gjërat janë përmirësuar. Kostot e ndërtimit janë rritur dhe po ashtu janë rritur edhe çmimet.
Nuk ka në Shqipëri investime hotelerie ku paga e punonjësve të jetë më e ulët sesa në Greqi apo në Kroaci”, tha kryeministri.
Ndërkaq, ministrja e Ekonomisë dhe Inovacionit, Delina Ibrahimaj tha se vendi ka nevojë për forcë punëtore të qëndrueshme.
“Investitorët nuk pyesin më vetëm për taksat, tokën apo infrastrukturën. Një nga pyetjet e para që bëjnë është nëse do të gjejnë njerëzit që u duhen. Pikërisht këtu fitohet ose humbet gara për investime. Kapitali njerëzor mbetet avantazhi më i qëndrueshëm konkurrues që një ekonomi mund të ndërtojë”, tha Ministrja.
Aktualisht, mbi 17 mijë të rinj ndjekin arsimin profesional në 31 shkolla publike në të gjithë vendin.
Taksia në Shqipëri, ndër më të shtrenjtat në Europë/ Rritja e turizmit ka shtuar kërkesën për transport, por ju ulje çmimi
Shqipëria renditet ndër vendet me tarifat më të larta të taksive në Europë, sipas të dhënave më të fundit të platformës ndërkombëtare Numbeo. Kostoja......
Ibrahimaj: Shqipëria ka nevojë për më shumë aftësi dhe inovacion për të mbetur konkurruese
Ministrja e Ekonomisë dhe Inovacionit, Delina Ibrahimaj, vuri theksin te rëndësia e investimit në kapitalin njerëzor gjatë Konferencës Kombëtare të Arsimit......
“Shqipëria kryeson rajonin për zbatimin e reformave” - Koçiu: 212 mln euro janë zhbllokuar. Po përdoren në mbështetje buxhetore dhe investime
Shqipëria vijon të kryesojë vendet e Ballkanit Perëndimor në zbatimin e reformave të parashikuara nga Instrumenti për Reforma dhe Rritje i Bashkimit......
Tirana zgjidhet mikpritëse e Asamblesë Vjetore të BERZH-it në 2028
Tirana do të jetë qyteti pritës i Takimit Vjetor të Bankës Europiane për Rindërtim dhe Zhvillim (BERZH) në vitin 2028, duke u kthyer në qendrën e diskutimeve......
Mbi 52 mijë abonentë përdorin shërbimet online të OSHEE, rritet numri i aplikimeve dhe pagesave digjitale
Shërbimet digjitale të ofruara nga OSHEE Group po përdoren gjithnjë e më shumë nga qytetarët, duke reduktuar nevojën për paraqitje fizike në sportelet e......
Tatimet u japin një mundësi të dytë prindërve: Riaplikim për kompensimin e shpenzimeve arsimore
Individët të cilëve u është refuzuar kërkesa për përfitimin e kompensimit nga zbritja e shpenzimeve arsimore për fëmijët, për shkak të mungesës së faturave......
Luhatje në tregun valutor – Sa këmbehen sot monedhat e huaja?
Dollari amerikan ka pasur edhe këtë të martë një rritje të lehtë të kuotës në raport me një ditë më parë teksa është blerë sot me 81.8 lekë dhe është shitur......
Treni Durrës-Rrogozhinë, shtyhet afati i tenderit 90 mln euro - Forcohen kërkesat për standardet mjedisore, sociale dhe kualifikimin e stafit
Hekurudha Shqiptare ka shtyrë afatin për dorëzimin e ofertave në tenderin ndërkombëtar me vlerë 90 mln euro për rehabilitimin e linjës hekurudhore Durrës –......
