Impiantet e gazit me përmasa të vogla - ERE nis procedurat për miratimin e licencave tip për GNL dhe GNK
Enti Rregullator i Energjisë ka nisur procedurat për miratimin e licencave tip për operimin e impianteve të gazit natyror të lëngshëm (GNL) dhe gazit natyror të komprimuar (GNK) me përmasa të vogla, në një kohë kur qeveria shqiptare po promovon idenë e krijimit të një hub-i gazi në Vlorë.
Dy vendimet e bordit të ERE-s synojnë krijimin e kuadrit rregullator për licencimin dhe operimin e këtyre impianteve, duke përcaktuar standardet teknike, kërkesat e sigurisë, raportimin financiar dhe aksesin jodiskriminues në treg.
Vendimi për GNL-në lidhet me impiante të vogla kriogjenike për depozitimin, transportimin dhe shpërndarjen e gazit të lëngëzuar, ndërsa licenca për GNK-në rregullon operimin e impianteve ku gazi komprimohet në presion të lartë. Dokumentet parashikojnë që operatorët të zbatojnë standarde evropiane sigurie, sisteme emergjence, kontrolle teknike periodike dhe masa për mbrojtjen e mjedisit.
Këto zhvillime vijnë pas nënshkrimit të Memorandumit për zhvillimin e hub-it energjetik të Vlorës dhe Marrëveshjes kuadër për furnizimin me gaz të lëngshëm natyror, në bashkëpunim të ngushtë me Shtetet e Bashkuara, si edhe ndërveprim konkret me Greqinë fqinje. Qeveria ka artikuluar ambicien për ta kthyer zonën në një nyje rajonale të gazit, duke u mbështetur tek infrastruktura ekzistuese e gazsjellësit TAP, projekti për terminalin e gazit të lëngshëm dhe përdorimi i TEC-it të Vlorës.
Megjithatë, paralelisht me planet për zgjerimin e infrastrukturës së gazit, nuk kanë munguar debatet mbi ndikimin mjedisor dhe përputhshmërinë e këtyre investimeve me objektivat klimatike dhe tranzicionin drejt energjive të rinovueshme.
Rrjeti i ATM-ve zgjerohet, por funksionet mbeten të pashfrytëzuara - BSH: Dominojnë tërheqjet cash. Urdhër transfertat dhe depozitimet, përdorim minimal
Ndërsa numri i bankomateve sa vjen e rritet, shqiptarët vijojnë t’i përdorin kryesisht për një funksion të vetëm: tërheqjen e parave cash. Sipas të dhënave......
Në katër muaj, mbi 2.5 milionë hyrje nga të huajt/ Europa Jugore dominon turizmin në vend, përbën rreth 70% të totalit
Pas një fillimviti të zbehtë sa i përket hyrjeve të shtetasve të huaj, muaji prill ka konfirmuar vijimin e rritjes së turizmit, duke sinjalizuar kështu......
288 milionë euro shtesë në buxhetin e shtetit - Konsumi jep kontributin kryesor në rritje, ndjekur nga sigurimet shoqërore
Në 4 muajt e parë të vitit, buxheti i shtetit ka arkëtuar rreth 275.7 miliardë lekë, duke tejkaluar planin e periudhës në 105.2 %. Krahasuar me të njëjtën......
Argëtim, adrenalinë dhe siguri rrugore - Automotive Fair Albania IV, katër ditë spektakël në Tiranë
Edicioni i katërt i Automotive Fair Albania rezervoi për qytetarët, të apasionuarit pas automobilizmit, katër ditë të mbushura me aktivitete, spektakël dhe......
Nga Hormuzi, te supermarketet - Si po rrezikohet zinxhiri global i ushqimit?
Paralajmërimi i fundit i Organizatës së Kombeve të Bashkuara për Ushqim dhe Bujqësi (FAO) se bota ka vetëm gjashtë deri në dymbëdhjetë muaj kohë për të......
Çmime negative në bursë, ALPEX kërkon ndryshime - Propozon kufi minimal të çmimit në tregun e ditës në avancë, të jetë -50 euro/mWh
Bursa Shqiptare e Energjisë Elektrike, ALPEX kërkon vendosjen e një kufiri minimal të lejuar të çmimit në tregun e ditës së avancë, duke argumentuar se......
Si ka nisur kjo javë për valutat kryesore?
Dollari amerikan e ka nisur këtë javë negativisht duke pësuar zbritje të vlerës përgjatë fundjavës duke u blerë këtë të hënë me 81.5 lekë dhe duke u shitur......
Mes zyrës dhe shtëpisë, të rinjtë preferojnë punën hibride - Hasalla: Pronarët shqiptarë duan t’i kenë nën vëzhgim punonjësit
Pandemia e Covid-19 ndryshoi mënyrën si funksionon tregu i punës, duke detyruar për herë të parë miliona punonjës të zhvendosnin zyrën në shtëpi. Por disa......
