ODIHR kërkon transparencë për financimin e partive - Opinion urgjent për projektligjin: Rregulla më të qarta për donatorët
ODIHR ka publikuar një opinion urgjent të ndërmjetëm për projektligjin shqiptar mbi financimin e partive politike, ku vlerëson si pozitiv synimin për të krijuar një kuadër më të plotë për transparencën, raportimin financiar dhe kontrollin e financave politike, por njëkohësisht evidenton edhe një sërë boshllëqesh që sipas institucionit duhet të adresohen për të garantuar zbatim efektiv të ligjit.
Në dokument thuhet se projektligji sjell disa risi të rëndësishme, si krijimi i një platforme elektronike për raportim financiar në kohë reale, forcimi i detyrimeve për transparencë, kufizime më të forta për burimet e financimit dhe transaksionet cash, si dhe zgjerimi i kompetencave mbikëqyrëse të Komisionit Qendror të Zgjedhjeve. Po ashtu, projektligji parashikon rregulla më të detajuara për shpërndarjen e fondeve publike, përfshirë stimuj që lidhen me barazinë gjinore dhe pjesëmarrjen e të rinjve në politikë.
Sipas ODIHR-it, nëse zbatohet në mënyrë efektive, ligji mund të kontribuojë në luftën kundër korrupsionit dhe në krijimin e kushteve më të barabarta për partitë politike, por raporti paralajmëron se mbeten disa rreziqe që mund të cenojnë funksionimin e sistemit. Një prej shqetësimeve kryesore lidhet me financimet indirekte dhe mundësinë e shmangies së rregullave përmes donacioneve të fshehura apo financimeve nga palë të treta.
Në këtë kuadër, ODIHR rekomandon ndalimin e donacioneve të bëra në emër të personave të tjerë, deklarimin e profesionit dhe punëdhënësit të donatorëve, si dhe transparencë mbi pronësinë përfituese të kompanive që financojnë partitë politike. Gjithashtu, kërkohen rregulla më të qarta për kreditë ndaj partive, kontributet në natyrë dhe publikimin e raporteve financiare.
Raporti evidenton edhe nevojën për harmonizim më të qartë mes projektligjit dhe Kodit Zgjedhor, për të shmangur mbivendosjet dhe paqartësistë ligjorë, ndërsa theksohet se zbatimi I reformës do të varet në masë të madhe nga kapacitetet financiare, njerëzore dhe hetimore të KQZ.
Projektrezoluta për integrimin, debate në Kuvend - Hasani: Anëtarësimi, objektiv strategjik. Vokshi: Procesi mbahet hermetik
Kuvendi po zhvillon një mocion me debat për procesin e anëtarësimit të Shqipërisë në Bashkimin Europian. Projektrezoluta u prezantua nga kryetari I Komisionit......
Hezitojmë për fëmijën e parë, por jo për të tretin/ Çiftet e reja po shtyjnë prindërimin, ndërsa familjet me tre fëmijë rezistojnë ende
Shqipëria po përjeton një ndryshim të fortë në modelin e lindjeve. Të dhënat më të fundit të Eurostat tregojnë se në vend po pakësohen lindjet e fëmijëve të......
“Sigurimi ndaj katastrofave natyrore, prioritet kombëtar” - Ibrahimaj: Politika afatgjata dhe mekanizma më të fortë financiarë për përballimin e dëmeve
Nëpërmjet politikave afatgjata mund të garantojmë një mbrojtje më të mirë ndaj fatkeqësive natyrore. Kështu është shprehur Ministrja për Ekonominë dhe......
100 mijë hektarë tokë bujqësore del në shitje për të huajt - Projektligji/ Si do bëhet kalimi i pronësisë dhe kriteret për investime
Qeveria do të lehtësojë procedurat për shitjen e tokave bujqësore tek investitorë të huaj. Projektligji i hedhur për konsultim publik “Për kalimin në pronësi......
PPP-të dhe koncesionet, vendoset kufi minimal - S’ka më kontrata nën 5 mln lekë, ndryshon kufiri dhe për tenderët
Qeveria ka vendosur për herë të parë një kufi minimal monetar për kontratat koncesionare dhe partneritetin publik privat. Sipas vendimit të miratuar një ditë......
Sa e cënueshme është Shqipëria ndaj mashtrimeve? Raporti global 2025: Bëjmë pjesë mes vendeve me ekspozim mesatar
Shqipëria renditet në vendin e 48-të nga 112 shtete në Indeksin Global të Cenueshmërisë ndaj Mashtrimeve për vitin 2025, me një rezultat 2.3 pikë. Sipas të......
Shqiptarët po kalojnë më shumë kohë në LinkedIn/ Të dhënat tregojnë rritje të audiencës, duke tërhequr kompani dhe reklamues
LinkedIn po forcon gjithnjë e më shumë pozicionin e tij në Shqipëri, duke u kthyer në një platformë me ndikim jo vetëm për profesionistët, por edhe për......
Çmimet e naftës vijojnë rritjen - Investitorët përqendrohen në takimin Trump-Xi në Pekin
Çmimet e naftës u rritën të enjten, me tregjet që u përqendruan në takimin midis Presidentit të SHBA-së Donald Trump dhe Presidentit Kinez Xi Jinping për të......
