Mal i Zi, investimet e huaja direkte rriten 19% – Fluksi neto i IHD-ve arriti 330 mln euro në 8 muajt e parë të 2024-ës
Kristi Ceta/SCAN
Fluksi neto i investimeve të huaja direkte (IHD) në Mal të Zi, ose diferenca midis hyrjeve dhe daljeve, u rrit 18.5% në krahasim me vitin e kaluar, duke shkuar në 330.2 milionë euro në tetë muajt e parë të vitit 2024.
Fluksi total i investimeve të huaja direkte u rrit me 2.5% në të njëjtën periudhe, në 575.2 milionë euro në periudhën janar-gusht, shpjegoi banka qendrore, në raportin e saj të fundit statistikor mujor.
Investimet në kompani dhe banka u rritën me 12% në vit, në 71.6 milionë euro në tetë muajt e parë, ndërsa investimet në pasuri të paluajtshme ranë me 4.0% vjetore në 285 milionë euro.
Fluksi i investimeve të huaja në formën e borxhit ndërmjet kompanive u rrit me 15.8% në vit, në 198 milionë euro në periudhën e rishikimit.
Në të njëjtën kohë, dalja totale e tyre u tkurr me 13.3% në vit, në 245 milionë euro në periudhën janar-gusht, me tërheqjen e fondeve të jorezidentëve në Mal të Zi me vlerën 179.7 milionë euro. Ndërsa investimet nga rezidentët jashtë vendit arritën në 65.3 milionë euro.
Në vitin 2023, fluksi neto i investimeve të huaja direkte në Mal të Zi u tkurr me 45%, duke shkuar 429 milionë euro.
Këto të dhëna tregojnë një përmirësim të dukshëm të situatës pas një viti të vështirë. Rritja e investimeve në kompani dhe borxhet ndërmjet tyre tregojnë një besim të rinovuar në ekonominë e vendit.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.