Mbi 20 mijë studentë nisin vitin e ri akademik – Ministrja Manastirliu: Suksese në rrugëtimin drejt dijes!
Ernilda Luzi/ Scan
Ka nisur sot viti i ri akademik 2024-2025, ku mbi 20 mijë studentë do të ulen për herë të parë në bankat e auditorëve. Degët më të preferuara këtë vit për studentët janë IT dhe mjekësia, që kanë edhe numrin më të lartë të studentëve të regjistruar.
Ndërsa degët e gjuhëve të huaja, programet e lëndëve ekzakte, si dhe ato të mësuesisë kanë më pak regjistrime.
Ministrja e Arsimit dhe Sportit, Ogerta Manastirliu, nëpërmjet rrjeteve sociale iu drejtua me një mesazh urimi studentëve dhe pedagogëve.
Sinkron
“Suksese mbi 20 mijë studentëve të cilët ulen sot për herë të parë në auditorët e universitetit dhe atyre që tashmë e kanë nisur këtë rrugëtim drejt dijes dhe formimit të së ardhmes së tyre, si dhe trupës së pedagogëve në këtë vit të ri akademik”, tha ministrja Manstirliu.
Gjithashtu, ministrja vuri theksin te mundësitë që ofrojnë universitetet tona, me ofertën akademike për tregun e punës.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.