Melenchon: Jam kryeministri i ri i Francës! – E majta zbret në vend të tretë Le Pen, protesta në vend!

Humbja e presidentit francez Emmanuel Macron është më shumë se e konfirmuar. Madje presidenti duhet të përkulet dhe të pranojë këtë humbje pa bërë asnjë koment. Ishin këto fjalët e para të Jean Luc Melenchon, lideri i së majtës dhe themelues i “Francës së panënshtruar” i cili shpalli fitoren në balotazh. Ai u shpreh se Fronti popullor është gati të qeverisë pasi është shënuar një rezultat që e konsideronin të pamundur, por tashmë është një realitet dhe një lehtësim shumë i madh për vendin. Partia e tij ka marrë 178 vende në parlament.

Protagonisti i balotazhit dhe koalicioni i tij i së majtës ka marrë 28% të votave. I Lindur në Marok në 1951-shin, ai është djali i një nënpunësi dhe një mësueseje. Në moshën 11 vjecare u transferua në Francë pas divorcit të prindërve, ndërsa në 1969-ën studioi për filozofi. Që në këtë kohë ai ra në sy si aktivist i së majtës revolucionare universitare.

Melenchon ka bërë punë të ndryshme si redaktor, punëtor në një pikë karburanti, mësues i gjuhës franceze, dhe gazetar. Në politikë ai hyri në 1976-ën si pjesë e partisë socialiste duke qenë shumë i lidhur me presidentin francez François Mitterrand.

Në moshën 37 vjecare u bë senator dhe për shkak të qasjes së tij radikale përplasjet më të mëdha i ka pasur me François Hollande e Ségolène Royal. Ndarja me socialistët ndodhi në vitin 2009 kur Melenchon themeloi partinë e së majtës. Në 2012-ën në zgjedhjet presidenciale ai u rendit i katërti duke marrë 11% të votave, ndërsa pas pesë vitesh merr sërish vendin e katërt por këtë herë me 19.5% të votave. Mbështetja më e madhe janë të rinjtë nën moshën 35 vjec, të joshur nga propozimet e tij për pensionet, pagën minimale dhe taksat.

Ndërkohë me mijëra qytetarë u mblodhën mbrëmjen e të dielës për të festuar për humbjen e të djathtës ekstreme në Paris. Në mesin e kësaj feste ishin edhe mbështetësit e të majtës, Frontit të Ri popullor të cilët po festonin fitoren e tyre në këto zgjedhje parlamentare ku u renditën forcë e parë, ndonëse për të formuar qeverinë do të kenë nevojë për koalicion.

Zhan Luke Melonshon, kreu i Partisë të majtës ekstreme “Franca e Papërkulur” me shumë gjasë do të jetë kryeministri i Ri i Francës i zgjedhur nga Grupimi Politik I Fronit të Ri Popullor. Në  fjalën e tij ai tha se një qeveri e majtë do të bëjë bashkë njerëzit e Francës. Politikanet e frontit të majtë iu bashkuan festës se fitores në Paris me një skenë gjigante ku mbajtën fjalimet e tyre përpara mbështetësve të tyre që i votuan për të dale forcë e parë në balotazhin e kësaj të diele.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.