Nis reforma e inspektorateve – Pr/ligji në Konsultim Publik. Si do të përmirësohet klima e të bërit biznes?

Projektligji i cili u disktua gjerë edhe nga kryeministri Edi Rama për ngritjen e një inspektorati për klimën e biznesit tashmë është në Konsultim Publik. Ajo çka u diskutua me grupet e interesit ishte një zbatimi i një reforme në sektorët e sipërmarrjes për përmirësimin klimës së biznesit, e ky është dhe objektivi kryesor në projektligj.

Nga ana tjetër theksohet se sa më të qarta të jenë bizneset për inspektim dhe sa më transparente të jenë listat e verifikimit që përdoren nga insmekotrët aq më shumë do të jenë aktivitete të rregullta biznesi.

Përmes këtij projektligji pritet ulje e numrit të inspektimeve në subjektet e inskeltimit, gjë e cila sjell dhe uljen e barrës administrative si në kosto në kohë, rritjen cilësore të procedurës së inskeptimit si dhe rritjen e konkurrueshmërisë.

Pritet që numri i inspektimeve të ulet me rreth 40%. Koha që i duhet subjektit të inspektimit për t’u njoftuar paraprakisht për autorizimin e inspektimit do të rritet nga 3 në 7 ditë.

Por si do të realizohen inspektimet?

Referuar projektligjit, inspektimet do të kryhen në bazë të programeve të inspektimit dhe vlerësimin e riskut të subjektit të inspektimit, krijimin e një sistemi të qartë të besueshëm dhe efikas për trajtimin e ankesave nga bizneset dhe individët në lidhje me veprimtarinë e inspektimit.

Qasja e veprimtarive të inspektimit do të jetë më transparente duke filluar nga ofrimi informacionit të nevojshëm për bizneset e reja, cilësia e inspektimeve e fokusuar në këshillim, thjeshtësia në aplikimet dhe përcjelljen e dokumentacionit të inspektimit në kohë reale, mungesa e inspektimeve të shpeshta.

Përfitimi ekonomik pozitiv për bizneset, përfshin krijimin e një klime të favorshme për zhvillimin e konkurrencës së ndershme, garantimin e rregullave të njëjta në treg, rritjen e investimeve të huaja dhe zhvillimin e ekonomisë në tërësi. Do të ketë gjithashtu edhe disa lloje ndikimesh pozitive jo të drejtpërdrejta ekonomike të mundshme, duke përfshirë formalizimin e ekonomisë me synim, uljen e barrës administrative dhe uljen e korrupsionit.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.