Për çdo çift që “lidhet”, një tjetër “zgjidhet” – Duraj: Kostoja e divorcit, 55 mijë lekë. Të rinjtë nuk kanë siguri financiare

Hamit Yzeiraj/SCAN

 

Nëse në të shkuarën raporti raporti divorc-martesë ka qënë në raportin 1/5, sot kemi arritur në fazën që për çdo çift që kërkon të vendosë unazat, një çift tjetër i heq ato. Sipas të dhënave të Ministrisë së Drejtësisë, kjo nuk vjen për shkak të rritjes së kërkesës për t’u divorcuar, por si pasojë e pasigurisë që kanë çiftet e reja për të lidhur kurorë.

“Kemi një numër të ulët të martesave, që vjen si pasojë e faktorëve ekonomikë, shumë të rinj nuk martohen pasi nuk e kanë të sigurt të ardhmen e tyre siç është mospatja e një pune e cila nuk përshtatet me formimin e tyre professional. Pjesa më e rëndësishme është dhe pajisja me një banesë sot pasi një çifti të ri I duhen 3 vjet punë për ta siguruar një të tillë,” shprehet avokati Alban Duraj.

Nga ana tjetër, për ti dhënë fundin një martese ka dhe një sërë kostosh që çifti merr përsipër për të mbyllur lidhjen e tyre. Këto shpenzime, kur të dyja palët nuk shfaqin pengesa në vendim që kanë marrë, llogariten minimalisht diku tek 55 mijë lekë.

“Së pari është kostoja për hartimin e kërkesë-padisë, e cila investohet avokati në lidhje me këtë hartim, së dyti kemi koston për përfaqësimin gjyqësor. 15 mijë lekë është hartimi I kërkesë padisë dhe 40 mijë lekë është përfaqësimi, duke shkuar në total 55 mijë lekë,” shprehet avokati Alban Duraj për televizionin Scan”.

Sipas të dhënave nga Ministria e Drejtësisë, përgjatë viti 2023 numri i çështjeve për divorc në dyert e gjykatave ka arritur në rreth 5.600, ndërsa kërkesat për martesë diku tek 6.700.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.