Punëtorët, të stresuar dhe të pasigurtë – Sondazhi me më shumë se 56 mijë punonjës nga 50 vende

Punonjësit përjetojnë çdo ditë pasiguri të madhe, pasiguri të fortë financiare dhe rritje të ngarkesës së punës, sipas një sondazhi të PWC, si rezultat i të cilit vlerësojnë se do të ndryshojnë punëdhënës në të ardhmen e afërt. Në këtë kontekst, nuk është rastësi që ata kanë prioritet zhvillimin e aftësive të tyre dhe shpresojnë se teknologjitë e reja si Inteligjenca Artificiale do t’i japin një shtysë zhvillimit të tyre profesional.

Sipas analistëve është e qartë se teknologjia po transformon rrënjësisht jo vetëm mënyrën se si kryhet puna, por edhe aftësitë e kërkuara nga punonjësit. Për të shtuar, natyrisht, se kompanive, nga ana tjetër, iu kërkohet të fillojnë të ndërmarrin veprime parandaluese në programet e përmirësimit të aftësive, me shkallë më të madhe transparence dhe bashkëformësimi me vetë punonjësit.

Pra, punëtorët janë vigjilentë, kërkojnë mundësi të reja, duken se i japin përparësi zhvillimit afatgjatë të aftësive për të avancuar karrierën e tyre mes ngarkesave në rritje dhe pasigurisë intensive të punës, dhe duke përqafuar IA.

Në mënyrë të veçantë, sipas sondazhit me më shumë se 56.000 punëtorë nga 50 vende dhe rajone, gati gjysma – 45%, thonë se ngarkesa e tyre e punës është rritur ndjeshëm vitin e fundit, ndërsa gati dy të tretat – 62%, thonë se shkalla e ndryshimit në punë është rritur gjatë së njëjtës periudhë.

Më shumë se një në katër, pra 28%, thonë se ka shumë ose jashtëzakonisht të ngjarë të ndryshojnë punëdhënësit në 12 muajt e ardhshëm – një normë më e lartë se në vitin 2022 – një periudhë në të cilën u shfaq fenomeni ‘Great Quit’ – dorëheqja e madhe. Punonjësit i japin përparësi zhvillimit të aftësive: 46% pajtohen plotësisht ose disi me pohimin se punëdhënësit u ofrojnë atyre mundësi të mjaftueshme për të mësuar aftësi të reja. Mbi 80% e punëtorëve që përdorin teknologjinë e re të GenAI çdo ditë presin që ajo ta bëjë kohën e tyre në punë më efikase në 12 muajt e ardhshëm. Gjysma (49%) presin që kjo të çojë në paga më të larta.

Presioni nga rritja e kostos së jetesës lehtësohet pak: përqindja e punëtorëve që thonë se u kanë mbetur para çdo muaj rritet në 45%, nga 38% në 2023. Megjithatë, 52% thonë se janë ende të stresuar financiarisht. Pothuajse gjysma e punëtorëve thonë se ngarkesa e tyre e punës është rritur në 12 muajt e fundit. Ndërkohë, gati dy të tretat – 62%, thonë se kanë përjetuar më shumë ndryshime në punë në vitin e kaluar krahasuar me 12 muajt e mëparshëm, ndërsa dy të pestat -40%, thonë se përgjegjësitë e tyre të përditshme kanë ndryshuar shumë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.