Rriten kostot e huamarrjes franceze me vendimin e zgjedhjeve të parakohshme të Macron!
![](https://scantv.al/wp-content/uploads/2023/11/france-765x383.jpg)
Kostot e huamarrjes për qeverinë franceze të martën u ngjitën në nivelin më të lartë që nga nëntori i kaluar, pas vendimit të papritur të presidentit Emmanuel Macron për të thirrur zgjedhje parlamentare.
Në një fazë, yield-i i obligacioneve 10-vjeçare franceze, që është kthimi që qeveria franceze duhet t’u paguajë blerësve të borxhit të saj, ishte deri në 10 pikë bazë në 3.2%, raportoi Telegrafi.
Në thelb, investitorët po ikin nga tregjet franceze. Rritja e yield-eve të obligacioneve nënkupton shitjen e obligacioneve të qeverisë franceze mes pasigurive, shoqëruar me rënien në tregjet e saj të aksioneve, të udhëhequr nga aksionet bankare.
Macron njoftoi planet e tij për zgjedhjet parlamentare pasi Partia Kombëtare e djathtë e kryesuar nga Marine Le Pen fitoi 32% të votave franceze në zgjedhjet e Parlamentit Europian.
Kjo ishte më shumë se dyfishi i asaj që fitoi partia e vetë presidentit Rilindja, e cila mori 15.4% të votave.
Vincent Juvyns, strateg i tregut global në JP Morgan, i tha Telegraph: “Vendimi i befasishëm për të thirrur zgjedhje të parakohshme shton pasigurinë, veçanërisht pasi Franca mund të përballet me një procedurë të BE-së për deficite të tepërta më vonë këtë muaj.”
Tashmë sot në mëngjes mund të shihet se euro tregtohet më e ulët, por pritet që diferenca midis borxhit sovran të Francës dhe Gjermanisë të rritet më tej.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.