Shkalla e pjesëmarrjes në forcat e punës arriti në 76.2%/ Bujqësia kryeson rënien e punësimit, shërbimet shfaqin rritje
Sipas të dhënave më të fundit të publikuara nga Instituti i Statistikave (INSTAT), tregu i punës në Shqipëri paraqet një tablo të përzier në tremujorin e parë të vitit 2026. Nga njëra anë, papunësia vijon të ulet, por nga ana tjetër më pak persona po marrin pjesë në tregun e punës dhe niveli i punësimit ka shënuar rënie.
Të dhënat tregojnë se shkalla e pjesëmarrjes në forcat e punës për grupmoshën 15-64 vjeç arriti në 76.2%, duke u ulur me 0.5 pikë përqindje krahasuar me të njëjtën periudhë të vitit të kaluar. Megjithatë, në raport me tremujorin e fundit të vitit 2025, ky tregues ka shënuar një rritje të lehtë prej 0.3 pikë përqindje.
Ndërkohë, shkalla e punësimit për popullsinë mbi 15 vjeç rezultoi 58%, duke shënuar një rënie prej 0.3 pikë përqindje në krahasim me tremujorin e parë të vitit 2025 dhe 0.5 pikë përqindje krahasuar me tremujorin paraardhës.
Në anën tjetër, shkalla e papunësisë ra në 8.4%, me një ulje prej 0.3 pikë përqindje në krahasim me një vit më parë, edhe pse krahasuar me fundin e vitit 2025 ka pasur një rritje të lehtë prej 0.1 pikë përqindje.
Sipas anketës, në Shqipëri vlerësohet se janë rreth 1.15 milionë persona të punësuar, ndërsa numri i të papunëve arrin në mbi 105 mijë persona.
Nga ana tjetër bujqësia paraqitet sektori ku punësimi është ulur më shumë krahasuar me një vit më pare me një rënie prej 6.7% e pasuar nga shërbimet me një rënie prej 4.1%. Edhe nëse e krahasojmë me tremujorin e shkuar këto sektorë kanë një ulje prej 2.9% dhe 5.7%. Ndërkohë shërbimet kanë shënuar rritje të punësimit.
Shifrat sugjerojnë se, megjithëse papunësia mbetet në nivele relativisht të ulëta historike, tregu i punës po përballet me sfida që lidhen me tkurrjen e punësimit dhe pjesëmarrjes së popullsisë në aktivitet ekonomik. Kjo mund të lidhet me ndryshimet demografike, emigracionin apo lëvizjet sezonale të fuqisë punëtore, faktorë që vazhdojnë të ndikojnë zhvillimet në ekonominë shqiptare.
Live TV
Gati kantieri i aksit rrugor Shalë - Tropojë/ Korridor i ri lidhës mes zonave alpine
Kantieri për ndërtimin e rrugës Shalë–Tropojë, një nga investimet e rëndësishme infrastrukturore në veri të vendit, është gati të nisë punimet. Hapja e këtij......
Nafta "në qiell", çmimi rikthehet mbi 100 dollarë për fuçi/ Tensionet në Lindjen e Mesme, pritet shtrenjtim i mëtejshëm
Çmimi i naftës Brent ështc rikthyer mbi nivelin prej 100 dollarësh për fuçi, i nxitur nga përshkallëzimi i tensioneve në Lindjen e Mesme dhe shqetësimet për......
“Dyfisho Sipërmarrjen Tënde”, vijon fushata informuese/ zv.Kryeministrja Koçiu: Bizneset mund të përfitojnë kredi deri në 2 milionë euro
Në kuadër të programit mbështetës të qeverisë për bizneset, “Dyfisho Sipërmarrjen Tënde”, Zëvendëskryeministrja Albana Koçiu vizitoi një sipërmarrje në......
Milot-Balldren, Karakaçi: Kostoja s’matet me kilometra/ Ministri i Infrastrukturës dhe Energjisë shpjegon vlerën dhe detajet e kontratës
Ministri i Infrastrukturës dhe Energjisë, Enea Karakaçi, ka vendosur të ndajë në rrjetet sociale një mesazh të shkurtër për sa i përket kostove të rrugës......
