Shqipëria afrohet me mesataren europiane/ Shkalla e punësimit 74.1% në 2024 kundrejt 75.8% në BE
Vit pas viti, tregu i punës në Shqipëri po shënon përmirësime të qëndrueshme, sipas statistikave zyrtare. Analiza e “Scan Intel” për grupmoshën 20-64 vjeç tregon se në vitin 2024 shkalla e punësimit arriti 74.1%, duke regjistruar një rritje prej 0.7% krahasuar me vitin e kaluar. Ky përmirësim është veçanërisht i dukshëm kur e krahasojmë me vitet më të hershme: në vitin 2022 shkalla e punësimit ishte 70.4%, ndërsa gjatë viteve 2021 dhe 2020 ajo qëndronte e njëjtë në nivelin e 66.3%.
Nëse i krahasojmë këto të dhëna me mesataren e Bashkimit Europian, rezulton se kjo e fundit ishte 75.8% gjatë vitit 2024, çka tregon se Shqipëria është 1.7 pikë përqindje më poshtë se mesatarja e BE-së, një diferencë gati minimale. Nga ana tjetër, BE-ja paraqitej 2.2 pikë nën objektivin prej 78% të vendosur nga Plani i Veprimit i Shtyllës Europiane të të Drejtave Sociale për vitin 2030.
Pothuajse gjysma (46.5%) e të gjitha rajoneve të BE-së kishin arritur ose tejkaluar objektivin prej 78% të punësimit . Këto 113 rajone përqendroheshin kryesisht në Çeki, Danimarkë, Gjermani, Irlandë, Holandë, Sllovaki dhe Suedi. Edhe nëse merret në konsideratë shkalla e punësimit në Tiranë, ajo rezulton më poshtë se mesatarja e BE-së, por më e lartë se në disa qytete të tjera europiane.
Shumë nga rajonet me shkallë punësimi relativisht të ulët në BE ishin rurale, me popullsi të pakët ose të vendosura në periferi të kontinentit. Ky model ishte veçanërisht i dukshëm në rajonet jugore të Spanjës dhe Italisë, pjesën më të madhe të Greqisë, disa rajone në Rumani dhe në rajonet më të largëta të Francës. Një grup tjetër rajonesh me shkallë të ulët punësimi janë ish-zonat industriale që nuk janë përshtatur ekonomikisht. Disa prej tyre kanë dëshmuar ndikimin negativ të globalizimit në sektorët tradicionalë të ekonomive të tyre.
Live TV
Ibrahimaj: Mekanizmi i ri për shqyrtimin e investimeve të huaja forcon sigurinë ekonomike dhe besimin e investitorëve
Ministrja e Ekonomisë dhe Inovacionit, Delina Ibrahimaj, mori pjesë në aktivitetin “Albania’s Foreign Direct Investment Screening Framework”, organizuar nga......
Reforma në sektorin elektroenergjetik - Nis shqyrtimi i ligjit në Kuvend, Muçaj: Efekti financiar në buxhet, 1.9 mln euro
Përshtatja e tregut shqiptar me zhvillimet e reja teknologjike dhe kuadrin ligjor të Bashkimit Evropian është në fokus të projektligjit “Për sektorin e......
Ç’ndodh nëse bizneset nuk plotësojnë certifikimet e BE? - Bajraktari: Integrimi do të nxjerrë jashtë loje sipërmarrjet që nuk formalizohen
Tregu shqiptar po përballet me një udhëkryq të rëndësishëm sa i përket formalizimit dhe përshtatjes me rregullat e Bashkimit Evropian. Për një pjesë të madhe......
Shqiptarët mbeten të “lidhur” me rrjetet sociale/ Platformat rikthejnë rritjen dhe vazhdojnë të dominojnë komunikimin online
Rrjetet sociale vijojnë të luajnë një rol të rëndësishëm në jetën e përditshme të shqiptarëve, duke u përdorur për komunikim, argëtim, informim dhe gjithnjë......
