Ministrja Sala: Nis konsultimi për krijimin e Institutit Onkologjik Kombëtar
Ministrja e Shëndetësisë dhe Mirëqenies Sociale, prof. Evis Sala, mori pjesë në tryezën e diskutimit të organizuar nga Dhoma Amerikane e Tregtisë, ku prezantoi prioritetet strategjike të Ministrisë dhe reformat kryesore që po transformojnë sistemin shëndetësor shqiptar.
Gjatë fjalës së saj, ministrja Sala bëri të ditur se ka nisur procesi i konsultimit për Vendimin e Këshillit të Ministrave për krijimin e Institutit Onkologjik Kombëtar, një prej reformave më të rëndësishme në fushën e onkologjisë.
“Instituti Onkologjik Kombëtar do të jetë një strukturë universitare, njësi kërkimore-shkencore, qendër kombëtare reference për sëmundjet tumorale dhe koordinatori i Rrjetit Kombëtar të Onkologjisë. Krijimi i tij përbën një hap të rëndësishëm drejt ndërtimit të një sistemi modern, të integruar dhe të standardizuar të kujdesit onkologjik në vend”, u shpreh ministrja Sala.
Ajo theksoi se paralelisht po ndërtohet Rrjeti Kombëtar i Onkologjisë, me synimin që pacientët të kenë akses në kujdes të koordinuar dhe shërbime sipas standardeve të njëjta në të gjithë vendin.
Në mbështetje të kësaj reforme, ministrja prezantoi edhe risitë e Listës së Barnave të Rimbursueshme 2026, e cila përfshin 55 barna alternative tregtare të reja dhe 27 principe aktive të reja, duke zgjeruar ndjeshëm mundësitë e trajtimit për pacientët me sëmundje tumorale, hematologjike, diabet, sklerozë multiple, sëmundje kardiovaskulare, respiratore dhe patologji të tjera me impakt të lartë shëndetësor.
Veçanërisht në fushën e onkologjisë, përfshirja e terapive inovative krijon mundësi më të mira trajtimi dhe rrit aksesin e pacientëve shqiptarë në barnat moderne. Për vitin 2026 do të alokohen edhe 1.5 miliardë lekë shtesë për barna onkologjike inovative, duke rritur me 16% buxhetin total për barna krahasuar me vitin 2025.
Ministrja Sala bëri të ditur gjithashtu se MSHMS po investon në zgjerimin e kapaciteteve diagnostikuese dhe trajtuese, ku tashmë është vënë në funksion Akseleratori i tretë Linear, ndërsa brenda këtij viti synohet instalimi i Akseleratorit të katërt Linear. Po ashtu, në bashkëpunim me Agjencinë Ndërkombëtare të Energjisë Atomike, pritet të ofrohen brenda vitit shërbimet e PET Scanner dhe Brakiterapisë.
Një tjetër prioritet strategjik i prezantuar gjatë takimit ishte reforma farmaceutike, e konkretizuar përmes projektligjit “Për produktet mjekësore për përdorim në njerëz”, i cili përfaqëson reformën më të thellë të sektorit farmaceutik në Shqipëri.
Projektligji synon harmonizimin e plotë të legjislacionit shqiptar me Direktivën 2001/83 të Bashkimit Europian dhe krijimin e një sistemi rregullator modern, transparent dhe të parashikueshëm. Në javët në vijim ai do t’i nënshtrohet konsultimit publik, në një proces gjithëpërfshirës me të gjithë aktorët e sektorit.
Sipas ministres Sala, ligji i ri do të garantojë më shumë siguri, cilësi dhe akses në terapi inovative për pacientët, do të forcojë kuadrin rregullator për profesionistët e shëndetësisë dhe do të krijojë një mjedis më të qëndrueshëm e konkurrues për industrinë farmaceutike. Një element kyç i reformës do të jetë forcimi i sistemit të farmakovigjilencës dhe kapaciteteve të Agjencisë Kombëtare të Barnave dhe Pajisjeve Mjekësore.
Gjatë takimit me përfaqësuesit e Dhomës Amerikane të Tregtisë, ministrja Sala ndau edhe progresin e Ministrisë në procesin e digjitalizimit të sistemit shëndetësor, duke theksuar se nga 1 gushti spitalet publike do të funksionojnë në mënyrë elektronike.
Ky proces synon ndërtimin e një sistemi të integruar, ku platformat dixhitale komunikojnë me njëra-tjetrën, duke përmirësuar koordinimin e kujdesit, referimet, shkëmbimin e informacionit dhe përdorimin e të dhënave për planifikimin dhe monitorimin e politikave shëndetësore.
Në përfundim, ministrja Sala vlerësoi rolin e komunitetit të biznesit dhe industrisë në mbështetjen e reformave, duke theksuar se dialogu i vazhdueshëm me partnerët mbetet thelbësor për ndërtimin e një sistemi shëndetësor modern, të qëndrueshëm dhe të harmonizuar me standardet e Bashkimit Europian.
Falja e detyrimeve tatimore, bizneset 15 ditë për afatin e parë - 30 Qershori, data e fundi edhe për pagesat e paqes fiskale
Bizneset që duan të përfitojnë nga ligji i faljes fiskale kanë edhe 15 ditë afat për të “shpëtuar” gjysmën e detyrimit tatimor që kanë për të paguar. Sipas......
Shqiptarët investojnë më pak jashtë vendit/ Tkurrin kapitalin e eksportuar, 55.4 milionë euro në tre muajt e parë
Investimet direkte të rezidentëve shqiptarë jashtë vendit ranë në 55.4 milionë euro gjatë tremujorit të parë të vitit 2026, sipas të dhënave të Bilancit të......
Mungesa e stafit sfidon turizmin - Manjani: Po eksplorohet punësimi i të huajve dhe modeli i mobilitetit sezonal
Rritja e numrit të turistëve po shoqërohet me një sfidë të vazhdueshme për bizneset e sektorit të hoteleri-turizmi që lidhet me mungesën e fuqisë punëtore.......
Punësimi i të rinjve, ku renditet Shqipëria në Europë? Punësohen më shumë në veri të kontinentit, Ballkani ende pas
Të dhënat e Eurostat për tremujorin e parë të vitit 2026 tregojnë diferenca të mëdha mes vendeve europiane sa i përket normës së punësimit të të rinjve nga......
Zonat turistike, sistem modern të furnizimit me ujë - Mbi 40 milionë lekë për ujësjellësin në Palasë, Drimadhë e Dhërmi
Shoqëria Rajonale Ujësjellës Kanalizime Vlorë Sh.A ka shpallur hapjen e dy procedurave të tenderuese. Projektet lidhen me furnizimin me ujë të pijshëm për......
Java nis negativisht për Dollarin dhe Paundin – Forcohet sërish franga zvicerane
Dollari amerikan e ka nisur këtë javë negativisht pasi në raport me javën e kaluar ka humbur sërish pikë duke regjistruar zbritje të vlerës gjatë fundjavës......
Rimëkëmbje e ngadaltë e furnizimit me naftë dhe gaz - Paralajmërimi i ekspertëve të energjisë pas marrëveshjes SHBA-Iran
Sipas ekspertëve të energjisë, do të duhen muaj para se kompanitë e energjisë të mund të rifillojnë operacionet dhe të përmbushin kërkesën globale. Ritmi i......
Ndalim mediave sociale për fëmijët nën 16 vjeç - Kryeministri britanik, Keir Starmer, njofton vendimin
Kryeministri britanik, Keir Starmer, tha se do të ndalojë faqet e mediave sociale për fëmijët nën 16 vjeç dhe do të vendosë kufizime në platformat e lojërave......
