Si do të përmirësohet infrastruktura e Çelësave Publikë? – Projekti synon menaxhim të performancës deri te siguria e të dhënave sensitive

Infrastruktura e Çelësave Publikë, pritet të përmirësohet. Në këtë infrastrukturë përfshihen të gjithë organizatat, sistemet (harwëare dhe software), personelin, proceset, politikat e sigurisë dhe marrëveshjeve të cilat mundësojnë funksionimin e teknologjisë me çelësa publikë për një numër të caktuar përdoruesisht.

Ndërkohë, Agjencia Kombëtare e Shoqërisë së Informacionit (AKSHI), ka publikuar një tender me vlerë rreth 500 milionë lekë për përmirësimin e infrastrukturës së Çelësave Publikë.

Por cili është qëllimi i këtij projekti? Qëllimi i këtij projekti është përmirësimi i performancës duke dhënë siguri në sasinë e rritur të trafikut dhe të dhënave të procesuara, përmirësim të sigurisë për të garantuar siguri më të rrepta përsa i përket mbrojtjes së infrastrukturës nga kërcënimet e jashtëme dhe të brendshme, sigurimin që të dhënat dhe certifikatat të mund të përdoren si më parë gjithashtu monitorim dhe menaxhim të performancës për të identifikuar dhe trajtuar problemet ose bllokimet e mundshme në kohë reale.

Përmirësimi i infrastrukturës do të nis që nga siguria e sistemeve, pasi sistemet që do të ngrihen duhet të jenë të sigurisë së lartë pasi do mbajnë të dhëna sensitive dhe të një rëndësie të madhe ndaj duhet të implementohen teknika më të avancuara të sigurisë së sistemeve kompjuterike.

Por cilat janë grupet e synuara?

Referuar dokumenteve Standarde të Tenderit, grupet janë Agjencia Kombëtare e Shoqërisë së Informacionit, Administrata Publike, Ministritë, Institucionet e Varësisë, subjektet private, Agjentë Doganorë, Arkitekt, Noterë, Inxhinierë etj.

Diamila Leka/ Scan

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.