Sonova prezanton aparatin e dëgjimit me “IA” – Pajisja veçon cilësinë e tingullit nga zhurma e sfondit

Kristi Ceta/SCAN

 

Kompania zvicerane Sonova ka prezantuar një aparat dëgjimi që përdor inteligjencën artificiale në kohë reale për të përmirësuar qartësinë e të folurit nga zhurma e sfondit, produkti i parë i tillë në tregun global.

Së bashku me aparatin e dëgjimit, të quajtur Sphere Infinio, Sonova po lançon një platformë të re Infinio. Kompania kishte thënë në maj se priste që lançimet kryesore të produkteve të nxisnin shitjet dhe rritjen e fitimit në gjysmën e dytë të vitit fiskal, pa dhënë detaje të mëtejshme.

Sipas kreut të kompanisë, prezantimi i platformës dhe produktit të ri janë një surprizë për tregun, sepse askush nuk ka njohuri për teknologjinë e re. Ky funksion (IA në kohë reale) do të jetë i disponueshëm për këdo këtë vit.

Sphere Infinio përdor teknologjinë e re të çipit DEEPSONIC që ka 53 herë më shumë fuqi përpunuese sesa ajo që përdoret aktualisht nga industria e aparateve të dëgjimit.

Sonova e sheh Infinio dhe platformën e saj ekzistuese Lumity si nxitësit kryesorë të rritjes në të ardhmen për biznesin e saj të instrumenteve të dëgjimit, i cili sjell rreth gjysmën e shitjeve totale.

Industria e aparateve të dëgjimit ka shfaqur shenja të një dinamike më të butë të tregut në Evropë dhe SHBA, ndërsa analistët kanë vënë në dukje konkurrencën e ashpër në treg.

Një numër firmash aparatesh dëgjimi, duke përfshirë Amplifon të Italisë, Demant dhe GN Store Nord të Danimarkës, kanë paralajmëruar për fitimet këtë verë. Kreu i Sonova është shprehur se po ecin sipas pritshmërive, pavarësisht paqëndrueshmërisë në treg.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.