Termocentrali më i madh gjeotermik në Evropë – Kroacia fillon punimet për ndërtimin e impiantit

Kristi Ceta/SCAN

 

Kroacia ka filluar punimet për ndërtimin e termocentralit më të madh gjeotermik në Evropë. Impianti do të ngrihet në veri-lindje të Kroacisë, afër qytetit të Çadavicës dhe është një investim prej 140 milionë euro.

Projektin e realizon kompania kroate “Geo Power Zagocha”, ndërsa termocentrali do të kapacitet prej 20 megavat. Pusi ndodhet në fushën “Sllatina 2”, në një vend 15 kilometra larg qytetit të Sllatinës.

Shpimi duhet të arrijë një thellësi prej 5000 metra dhe më pas energjia elektrike do të prodhohet nga uji i nxehtë. Elektriciteti i prodhuar nga termocentralet gjeotermike furnizon rrjetin pavarësisht nga kushtet e motit.

“Geo Power Zagocha” ka lidhur kontratë me Ministrinë e Ekonomisë së Kroacisë për shfrytëzimin e ujërave gjeotermike për një periudhë 25-vjeçare, me mundësi për ta zgjeruar edhe më tej marrëveshjen.

Krahas prodhimit të energjisë elektrike, po konsiderohet edhe përdorimi i energjisë gjeotermike për qëllime të tjera, në mënyrë që para se uji i nxehtë tashmë i përdorur të ftohet, të përdoret sërish për nevojat e komunitetit lolkal, si për shembull në serra, për kultivimin e peshkut, për ngrohje etj.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.