Vetëm 17% e kompanive kanë gra në bordet drejtuese – Indeksi, Vrioni: Përfshirja e tyre ka rëndësi, sjellin ndryshime

Ola Mitre /SCAN

 

Vetëm 17% e kompanive të mëdha në vend kanë gra në bordet e tyre”. Kjo është një prej gjetjeve të Indeksit mbi përfaqësimin e grave në Bordet Drejtuese të Kompanive, i realizuar nga Women on Boards Albania.

Themeluesja e WoB- AL Albana Vrioni thotë për TV SCAN se shifra është e ulët, por mbetet një tregues i hapave të hedhur deri më tani në këtë drejtim.

Vrioni flet edhe për avantazhet e përfshirjes së gruas në bordet drejtuese.

Gjetjet e Indeksit u prezantuan në Konferencën e parë vjetore të Women on Boards Albania, me temë “Si mund të sjellin ndryshim gratë në bordet drejtuese”, ku u theksua fuqia e grave në pozicione drejtuese, duke treguar se si perspektiva të ndryshme ndikojnë në të ardhmen e qeverisjes, inovacionit dhe qëndrueshmërisë.

Gjatë aktivitetit, mbi 130 pjesëmarrës, përfaqësues nga institucione dhe kompani ndërkombëtare, përfaqësues të qeverisë shqiptare dhe koorporatave më të mëdha në vend, ndanë qëndrimet e tyre rreth rolit të gruas në bordet drejtuese, zhvillimit të sipërmarrjes dhe ekonomisë së një vendi përmes angazhimit të duhur dhe raporteve të duhura në bordet drejtuese të kompanive.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.