“Vetëm 5% e punëve mund të zëvendësohen nga IA” – Ekonomisti paralajmëron se investimet nuk do të përmbushin pritshmëritë

Kristi Ceta/SCAN

 

Ekonomisti dhe profesori i Institutit të Teknologjisë në Massachusetts, Daron Acemoglu, tha se gjithë entuziazmi që rrethon inteligjencën artificiale është i panevojshëm dhe mund të mos përmbushë pritshmëritë e larta.

Ai tha se “shumë para do të shpërdorohen dhe vetëm 5% e vendeve të punës mund të zëvendësohen ose të ndihmohen shumë nga teknologjitë e reja gjatë dekadës së ardhshme.” Profesori theksoi se përfitimet ekonomike që kompanitë shpresojnë nga inteligjenca artificiale mund të mos realizohen, pasi “nuk mund të ketë një revolucion ekonomik nga ai 5%”.

Sipas Acemoglu, janë tre skenarë të mundshëm për historinë e IA dhe asnjë nuk është veçanërisht i mirë, tha ai. Skenari më optimist është që entuziazmi i inteligjencës artificiale të ftohet gradualisht dhe disa aplikacione të teknologjisë të zënë vend.

Në skenarin e dytë, furia rritet edhe për një vit apo më shumë, duke çuar në një përplasje të stoqeve të teknologjisë që i lë investitorët, drejtuesit dhe studentët të zhgënjyer.

Në një skenar tjetër, furia e inteligjencës artificiale mund të zgjasë për shumë vite të tjera duke çuar në ndërmarrjet që zëvendësojnë punët e njerëzve me teknologjitë e reja “pa kuptuar se çfarë do të bëjnë me të”. Pas kësaj, kompanitë do të përpiqen të rikthejnë punëtorët kur ato përfundimisht të kuptojnë se teknologjia nuk funksionon, vazhdoi ai.

Një kombinim i skenarit të dytë dhe të tretë është më i mundshmi, sipas Acemoglu, pasi “kur entuziazmi intensifikohet, rënia nuk ka gjasa të jetë e butë”.

Ekonomisti tha se është i impresionuar nga ajo që mund të bëjnë modelet e mëdha gjuhësore si ChatGPT, por ato nuk do të zëvendësojnë njerëzit në vendin e punës edhe për një kohë shumë të gjatë.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.