10 njerëzit më të pasur në botë humbën 250 miliard dollarë – Shuma e humbur në gjysmën e parë të këtij viti

250 miliard euro është shuma që 10 njerëzit më të pasur në botë kanë humbur në gjysmën e parë të këtij viti. Humbja, e barabartë me rreth 1.2% të ekonomisë së SHBA-së, është ndjerë më shumë nga Musk dhe Bezos, të cilët kanë humbur një total prej 120 miliardë dollarësh nga pasuria e tyre

10 njerëzit më të pasur në botë, duke përfshirë CEO-n e Tesla, Elon Musk dhe themeluesin e Amazon, Jeff Bezos, kanë pësuar një humbje prej 250 miliardë dollarësh në gjysmën e parë të këtij viti.

Sipas Indeksit të Miliarderëve të Bloomberg, ata që janë në listë janë bërë më pak të pasur për shkak të rënies së tregjeve të aksioneve në Shtetet e Bashkuara të Amerikës në vitin 2022.

Tregjet e aksioneve kanë përjetuar gjysmën e parë më të keqe të vitit që nga viti 1970, me S&P 500 që ka ulur më shumë se një të pestën e vlerës së tij.

Kjo do të thotë se njerëz si bashkëthemeluesi i Microsoft, Bill Gates, së bashku me Musk, Bezos dhe Bernard Arnault, CEO i pronarit të Louis Vuitton, kanë pësuar goditje të forta për sa i përket pasurive të tyre. Shumica dërrmuese e miliarderëve në indeksin e 500-fishtë vlejnë shumë më pak se në fillim të vitit.

Humbja, e barabartë me rreth 1.2% të ekonomisë së SHBA-së, është ndjerë më shumë nga Musk dhe Bezos, të cilët kanë humbur një total prej 120 miliardë dollarësh nga pasuria e tyre që nga fillimi i vitit.

Çmimi i aksioneve të Tesla-s ka rënë me 43% këtë vit, për shkak të pasigurisë ekonomike dhe përpjekjes së Musk për të blerë Tuitter, ndërsa aksionet e Amazon kanë rënë me më shumë se 35% që nga fillimi i 2022.

Megjithatë, dy indianët në listë, Gautam Adani dhe Mukesh Ambani, kanë regjistruar  rritje në vlerën e tyre neto prej 22.1 miliardë dollarë dhe 3.05 miliardë dollarë respektivisht.

Adani drejton portet dhe minierën më të madhe të qymyrit në Indi, dhe përfitoi nga rritja e çmimeve të mallrave këtë vit për shkak të bllokimit të zinxhirit global të furnizimit dhe pushtimit rus të Ukrainës.

Ambani, një industrialist, zotëron gjithashtu kompleksin më të madh të rafinerisë së naftës në botë, një tjetër produkt të cilit i është rritur cmimi që kur Rusia pushtoi Ukrainën.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.