60 milionë dollarë shtesë për energjinë dhe gazin – Komisioni i Veprimtarisë kalon në parim buxhetin dhe paketën fiskale

Komisioni Parlamentar i Veprimtarive prodhuese ka miratuar në parim projektbuxhetin e shtetit i dhe paketën fiskale  për vitin e ardhshëm.

Deputetët kanë pranuar disa ndryshime në zërat  e shpenzimeve për tre ministri të linjës, ndër të cilat mbështetja për një shtese prej 6 miliardë lekësh për Ministrinë e Infrastrukturës dhe Energjisë, të cilat do të shkojnë për sektorin e energjisë dhe gazit.

Arben Pëllumbi, Kryetar i Komisionit të Veprimtarive Prodhuese: “Ministria e Energjisë dhe Infrastrukturës ka kërkuar shtesë 6 miliardë lekë për energjinë dhe gazin, ku 5 miliardë lekë do të shkojnë për KESH me qëllim menaxhimin e efekteve të mundshme të çmimit në tregjet e energjisë apo pasojat e motit dhe 1 miliardë lekë për gazsjellësin Fier-Vlorë që do të lidhet me projektin TAP”.

Ndryshimet e kërkuara nga Ministria e Bujqësisë, Ministria e Infrastrukturës dhe Energjisë si dhe ministria e Turizmit do të kalojnë edhe në filtrin e miratimit nen për nen të projektbuxhetit dhe do të përfshihen në raportin që dorëzohet në Komisionin e Ekonomisë dhe Financave.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.