Pse aksionarët e Tesla-s refuzojnë pagën prej 56 miliardë dollarë të Musk?

Firma këshilluese përfaqësuese Glass Lewis njoftoi se u ka kërkuar aksionerëve të Tesla-s të refuzojnë një paketë page prej 56 miliardë dollarësh për shefin ekzekutiv Elon Musk, e cila nëse miratohet do të ishte paketa më e madhe e pagës për një CEO në Amerikën e korporatave.

Raporti përmendi arsye si “madhësinë e tepërt” të marrëveshjes së pagës dhe “projektet e jashtëzakonshme që konsumojnë kohë” të Musk, të cilat janë zgjeruar me blerjen e tij të profilit të lartë të Twitter, i njohur tani si X.

Paketa e pagave u propozua nga bordi i drejtorëve të Tesla-s, i cili vazhdimisht është vënë nën kritika për lidhjet e ngushta me miliarderin. Paketa nuk ka pagë ose bonus parash dhe përcakton shpërblime bazuar në vlerën e tregut të Teslës që rritet deri në 650 miliardë dollarë gjatë 10 viteve nga 2018. Kompania aktualisht vlerësohet në rreth 571.6 miliardë dollarë, sipas të dhënave të LSEG.

Në janar, gjyqtarja Kathaleen McCormick e Gjykatës së Kancelarit të Delaware anuloi paketën origjinale të pagave. Musk më pas kërkoi të zhvendoste gjendjen e inkorporimit të Teslës në Teksas nga Delaware.

Glass Lewis kritikoi gjithashtu lëvizjen e propozuar në Teksas si ofrimin e “përfitime të pasigurta dhe rrezik shtesë” për aksionarët. Tesla u ka kërkuar aksionarëve që të riafirmojnë miratimin e tyre për kompensimin.

Në një intervistë këtë muaj, kryetari i bordit të Tesla-s, Robyn Denholm, i tha Financial Times se Musk e meriton paketën e pagave, sepse kompania arriti objektivat ambicioze për të ardhurat dhe çmimin e aksioneve të saj.

Musk u bë CEO i Tesla-s në vitin 2008. Në vitet e fundit, ai ka ndihmuar në përmirësimin e rezultateve, duke e çuar kompaninë në një fitim prej 15 miliardë dollarësh nga një humbje prej 2.2 miliardë dollarësh në 2018 dhe shtatë herë më shumë automjete janë prodhuar, sipas një faqe interneti të fushatës online, Vote Tesla.

Këshilltari përfaqësues rekomandoi gjithashtu aksionarët të votonin kundër rizgjedhjes së anëtarit të bordit, Kimbal Musk, vëllait të miliarderit, ndërsa ish-CEO i 21st Century Fox, James Murdoch u rekomandua për rizgjedhje.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.