CEO i OpenAI zotohet të japë pjesën më të madhe të pasurisë së tij për bamirësi!

CEO i OpenAI, Sam Altman dhe bashkëshorti i tij janë bërë miliarderët më të rinj që kanë nënshkruar Giving Pledge, një organizatë bamirëse që inkurajon ultra të pasurit të dhurojnë pasurinë e tyre për kauza filantropike.

Në letrën e tyre, të lëshuar të martën, Altman dhe bashkëshorti Oliver Mulherin vlerësuan “punën e palodhur, shkëlqimin, bujarinë dhe përkushtimin për të përmirësuar botën e shumë njerëzve që ndërtuan skelat e shoqërisë që na lejuan të arrijmë këtu”.

“Nuk mund të bëjmë asgjë, përveçse të ndjejmë mirënjohje të pamasë dhe të angazhohemi ta paguajmë atë përpara, dhe të bëjmë ç’ është e mundur për të ndërtuar skelat pak më lart,” shtuan dyshja.

Bloomberg raporton se Altman vlen të paktën 2 miliardë dollarë, me një pjesë të madhe të pasurisë së tij të nxjerrë nga investimet fillestare, duke përfshirë një investim të konsiderueshëm në Reddit. Ai nuk ka një aksion në OpenAI, kompania e teknologjisë që është në ballë të inteligjencës artificiale.

The Giving Pledge filloi në vitin 2010 nga miliarderët Warren Buffett dhe ish-çifti i martuar, Bill dhe Melinda French Gates, për t’i bërë më të pasurit në botë të angazhohen për të dhuruar të paktën gjysmën e pasurisë së tyre për bamirësi dhe kauza filantropike, qoftë gjatë jetës së tyre ose në testamentet e tyre.

Ky dhurim nuk është një kontratë ligjërisht e detyrueshme, por më shumë një angazhim moral. Synimi i fushatës është të “frymëzojë biseda, diskutime dhe veprime, jo vetëm rreth asaj se sa [për të dhënë] por edhe për çfarë qëllimesh dhe për çfarë rezuktatesh”, sipas faqes së internetit. Aktualisht janë më shumë se 245 çifte dhe individë nga 30 vende që kanë nënshkruar.

Më herët të martën, Melinda French Gates, e cila është një nga filantropistët më të pasur dhe më të shquar në botë, njoftoi se do të dhuronte 1 miliard dollarë deri në vitin 2026 për të avancuar të drejtat e grave në mbarë botën përmes organizatës së saj, Pivotal Ventures.

Ajo kohët e fundit dha dorëheqjen nga Fondacioni Bill & Melinda Gates në fillim të këtij muaji pas divorcit të saj nga Bill. Si pjesë e marrëveshjes së saj të divorcit, ajo mori 12.5 miliardë dollarë nga Fondacioni Gates për punën e saj pas dorëheqjes së saj.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.