Skemë korruptive në ujësjellësin e Vlorës – Balluku: Miliona lekë, në dëm të shërbimit. Rrezikohet furnizimi me ujë!

Punonjësit e ujësjellësit të Vlorës kanë ngritur një skemë korruptive, duke shkaktuar miliona lekë dëm në buxhetin e shoqërisë, çka rrezikon edhe furnizimin me ujë në këtë qytet.

Në një takim të zhvilluar me punonjësit e kompanisë, ministrja e Infrastrukturës dhe Energjisë Belinda Balluku detajoi skemën, në kurriz të shërbimeve ndaj qytetarëe.

Balluku tha se çdokush që është bërë pjesë e skemës do të ndiqet penalisht, ndërsa dosjet janë gati për t’u dërguar në SPAK.

Ujësjellës-Kanalizime Vlorë është një nga pak shoqëri, që nuk është bërë pjesë ende e reformës të ndërmarrë në sektor, që konsiston në agregimin e kompanive në shoqëri rajonale.

Ndërkohë që, nga data një shkurt e këtij viti hynë në fuqi tarifat e rritura për shërbimin e furnizimit me ujë dhe largimin e ujrave të ndotur.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.