“Shota” autoblindi i parë ushtarak shqiptar – Do të prezantohet ne Paris, mes 62 vendeve
Shqipëria ka prezantuar autiblindin e parë shqiptar të emërtuar SHOTA. Në ftuar në emisionin Start, përfaqësueset e kompanisë që e ka prodhuar kanë treguar detaje të këtij projekti
“Shota” është autoblindi i pare ushtarak shqiptar që do të prezantohet në panairin “Eurosatory” në Paris.
Të ftuara në studion e Start, Manjola Kasneci dhe Xhenifer Nuhi, përfaqësuese të kompanisë prodhuese tregojne detajet mbi zhvillimin e këtij projekti.
Me mbeshtjen e Qendres së Inovacionit puna për këtë automjet nisi tre muaj më parë, një proces që është dokumentuar edhe me video.
Sipas përfaqësueseve të kompanisë “Shota” është hapi i parë drejt një rruge të gjatë të Shqipërisë për të prodhuar mjete ushtarake, ndërkohe që vendi ynë po rrit investimet në mbrojtje.
Në panairin “Eurosatory”, ku ky autoblind do të prezantohet qëllimi është të sigurohen marrëveshje me vende të ndryshme që do të lartësonin imazhin e Shqipërise në industrinë e prodhimit të automobilave.
“Shota” është autoblindi i parë ushtarak që mban mbishkrimin “Made in Albania”, dhe përfaqësuesit e kompanisë shprehen se është në nivelet e duhura për të konkurruar sa i përket cilesise, teksa ende nuk ka te dhena mbi çmimin e saj.
Vjola Gremi/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.