62% më shumë vizitorë në muajin prill – Në bregdet, apo rajonin qendër. Ku qëndruan më shumë pushuesit?

Muaji prill është mbyllur me rritje të numrit të vizitorëve. Të dhënat e Institutit të Statistikave rezultojnë që gjithsej kemi një rritje me 62% duke krahasuar me të njëjtën periudhë paralele të një viti më parë. Por edhe dy treguesit, numri i viztorëve rezident dhe jo rezident janë rritur përkatësisht me 19.4% dhe 91.9%.

E kësisoj dhe numri i net qëndrimeve gjithsej është rritur me 56.3% ku edhe për rezidentët është rritur me 17.9% ndërsa për jo-rezidentët me 80.3%.

Por si është shpërndarja gjegrafike e vizitorëve?

Në po të njëjtat të dhëna raportohet se numri i vizitorëve jo-rezidentë të cilët janë akomoduar në rajonin Qendër është rritur me 2.1 herë, në zonat jo bregdetare ky tregues është rritur me 85.4%, ndërsa numri i vizitorëve jo-rezidentë në “hotele dhe akomodime të ngjashme ka shënuar rritje me 85.6%.

Po ku është realizuar më tepër numri i netë qëndrimeve?

Sipas INSTAT, në muajin prill numrin më të lartë e kanë shënuar strukturat akomoduese “Hotele dhe akomodime të ngjahsme” me 91.9%, më pas rajoni qendër me 65.3%, dhe zonat bregdetare me 59.3%.

Ndërsa normat neto të shfrytëzimit të dhomave dhe të shtretërve janë dy treuesiit të cilët masin dhe përqindjen e kapaciteteve akomoduese. Ndaj gjatë prillit, norma e shfrytëzimit të dhomave të “Hoteleve dhe akomodimeve të ngjashme” është 22,1 %, kundrejt 13,5 % që ishte në muajin Prill 2023. Norma e shfrytëzimit të shtretërve të “Hoteleve dhe akomodimeve të ngjashme” është 24,5 %.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.