SHBA, njerëzit marrin borxh për blerje në supermarket – Pasiguria ekonomike i bën të harrojnë politikën

Pasiguria ekonomike që po përjetojnë qytetarët amerikanë i ka bërë ata krejtësisht indiferentë ndaj politikës, ku shumë deklarojnë se në zgjedhjet e ardhshme nuk do të votojnë. Megjithatë, pas katër vitesh rritje të çmimeve, mbështetja e saj ka filluar të zbehet dhe sa herë që ata blejnë në supermarket, kuptojnë se gjërat kanë ndryshuar për keq.

Qytetarët amerikanë po përballen me vlerësimin e mallrave bazë që janë rritur me 25% që kur Joe Biden mori detyrën si president në vitin 2021. Rritja e çmimeve të ushqimeve goditi veçanërisht rëndë familjet më të reja, me të ardhura më të ulëta dhe minoritare, ato që sollën Biden në pushtet.

Kërcimi i çmimeve të ushqimeve tejkaloi rritjen historike prej 20% të kostos së jetesës që pasoi pandeminë, duke tensionuar familjet në të gjithë vendin dhe duke nxitur pakënaqësi të gjerë ekonomike dhe politike.

Në mbarë vendin, amerikanët shpenzuan mesatarisht më shumë se 11 % të të ardhurave të tyre për ushqim vitin e kaluar, duke përfshirë edhe ngrënien jashtë, norma më e lartë që nga viti 1991. Por shqetësimet për këtë çështje janë të përhapura: një studim në fillim të këtij viti zbuloi se 94% e amerikanëve ishin disi të shqetësuar për rritjen e çmimeve të ushqimeve dhe mallrave të konsumit.

Në debatin e muajit të kaluar, pyetja e parë kishte të bënte me inflacionin dhe Biden u përpoq t’ia kalonte fajin kompanive të mëdha, duke i fajësuar ato për rritjen e çmimeve – një pretendim i diskutueshëm mes ekonomistëve. Por pavarësisht krijimit të fortë të vendeve të punës dhe papunësisë së ulët, sondazhet tregojnë se votuesit ende i besojnë rivalit të tij, ish-presidentit Donald Trump, më shumë për çështjet ekonomike. Analistët thonë se është e qartë se ekonomia është e rëndësishme për votuesit, por është e paqartë nëse do të jetë vendimtare në zgjedhjet e nëntorit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.