Franca përballet me një krizë të menjëhershme financiare – Situatë kaotike pas zgjedhjeve dhe Lojërave Olimpike

Dorina Kurtaj / SCAN

Ministri në largim i financave i Francës, Bruno Le Maire deklaroi se vendi po përballet me perspektivën e një ‘krize të menjëhershme financiare’ pasi qeveria u bllokua pas zgjedhjeve të trazuara parlamentare. Bruno Le Maire festoi humbjen e partisë ‘Grumbullimi Kombëtar’ e së djathtës, për të cilën centristët e Emmanuel Macron kishin frikë se mund të arrinte një shumicë, por paralajmëroi se palët duhet të arrijnë një marrëveshje dhe të formojnë një koalicion brenda një kohe të shkurtër.

Ai kritikoi gjithashtu politikat ekonomike të taksave dhe shpenzimeve të përcaktuara nga aleanca e krahut të majtë të Frontit të Ri Popullor, e cila mori një fitore të papritur zgjedhore, por nuk arriti të fitonte shumicën, duke e zhytur qeverinë franceze në kaos më pak se tre javë para Lojërave Olimpike në Paris.

Këto përfshijnë rritje të mëdha në pagën minimale dhe pagën e sektorit publik, një ulje të moshës së pensionit nga 64 në 60 vjeç dhe një ngrirje të çmimeve të mallrave thelbësore.

Në fakt Fronti i Ri Populllor thotë se politikat e tyre do të kushtojnë rreth 150 miliardë euro gjatë tre viteve dhe kanë propozuar një taksë 90% për të gjitha të ardhurat mbi 400.000 euro si vetëm një mënyrë për të balancuar librat.  Por kampi i Macron paralajmëroi se mund të kushtojë deri në 300 miliardë euro – dhe Franca tashmë po përballet me një deficit buxhetor prej 5.5% të PBB-së. “Rreziku më i menjëhershëm është një krizë financiare dhe rënia ekonomike e Francës”, theksoi Le Maire.

Melenchon, i cili synon postin e kryeministrit  – një pjesë e përhershme e së majtës franceze dhe i konsideruar si ‘Jeremy Corbyn francez’ – ka deklaruar se partisë së tij duhet t’i jepet pushteti që të mund të fillojë zbatimin e politikave të saj. Por shpresat e tij për ta tërhequr personalisht Francën majtas duken të vdekura në ujë pasi anëtarët e partisë së Macron përjashtuan mundësinë e formimit të një koalicioni me atë që ata e shohin si një figurë pro-Gaza-s për taksat dhe shpenzimet, të cilën shumë në Francë e shohin si një radikal antisemitik.

Nuk ka një afat kohor të caktuar se kur presidenti francez Macron duhet të emërojë një kryeministër dhe asnjë rregull të fortë që ai duhet të zgjedhë dikë nga partia apo blloku më i madh në parlament – por një paralizë politike e vazhdueshme do të sillte një katastrofë për kombin. Sipas Kushtetutës së Francës, ai ende mban pushtetin mbi politikën e jashtme, çështjet evropiane dhe mbrojtjen, dhe është përgjegjës për negocimin dhe ratifikimin e traktateve ndërkombëtare.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.