18 ankande bonosh dhe obligacionesh – Emetime të reja obligacionesh afatgjata në korrik dhe gusht
Në periudhën korrik-gusht dhe shtator do të zhvillohen 18 ankande bonosh dhe obligacionesh me një vlerë totale 74.5 miliardë lekë.
Në konkretisht, gjatë muajit korrik do të zhvillohen 6 ankande me vlerë totale 31.5 miliardë lekë, ku do të emetohen jo vetëm bono 12 mujore por edhe do të ketë emetim të reja obligacionesh 5,7 dhe 10 vjeçare.
Në muajin gusht, do të zhvillohen 7 ankande, nga të cilët një do të jetë emetim I ri obligacioni 15 vjeçar. Në total, vlera e bonove dhe obligacioneve të emetuara gjatë gushtit do të jetë 25.6 miliardë lekë.
Ndërkohë, në muajin shtator do të zhvillohen 5 ankande me vlerë totale 17.5 miliardë lekë.
Individët mund të marrin pjesë në ankandet e bonove të thesarit nëpërmjet sporteleve të Bankës së Shqipërisë në Tiranë dhe degët e saj në qytetet kryesore të vendit ose nëpërmjet subjekteve të licencuara nga autoritetet përkatëse për këtë shërbim.
Investimi në titujt qeveritarë konsiderohet si një ndër investimet më të sigurta.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.