Censi 2023, nga 2011 fuqia punëtore ra me 350 mijë persona – Pesimizmi, rënia më e madhe në grupmoshën nga 15-19 vjeç

Në 12 vite numri i banorëve të aftë për punë në Shqipëri ka rënë me 350 mijë vetë. Sipas të dhënave paraprake të Censit 2023 nga 1.9 milion banorë të aftë për punë në vitin 2011, në vitin 2023 në këtë kategori u regjistruan 1,55 persona, pra më një rënie 18.3%.

Por kjo situatë e vështorë pritet të përkeqësohet edhe më tek për shkak se forcën e punës aktualisht e dominon grup-mosha në prag pensioni mbi 55 vjeç. E ndarë në grupeve moshore, rënien më të madhe të popullsisë në moshë pune e kishin grupmoshat 15 deri në 19 vjeç, të cilat pësuan rënie me 46.8% dhe grupmosha 20-24 vjeç që pësoi rënie me 41%.

Grupet moshore me rënie të fortë në popullsinë në moshë pune ishin 25-29 vjeç me rreth 25%, 40-44 vjeç me 25.6% dhe 45-49 vjeç me 25.4%.

Në të kundërt popullsia në moshe pune në prag pensioni 60-64 vjeç ka pësuar rritje me 48.8% dhe grup-mosha 45-59 vjeç rritje me 9.6%

Pra popullsia në moshe pune ne vendin tonë jo vetëm që është reduktuar në mënyre të ndjeshme gjatë një dekade, por është përkeqësuar në strukturë.

Bizneset në të gjithë sektorët vitet e fundit kanë konsideruar mungesën e punonjësve problem serioz, për zgjidhjen e të cilit nuk kanë përvojë dhe as mjete. Ekonomia shqiptare, kurrë më parë, nuk është përballur me këtë fenomen. Kjo është dekada e parë që ekonomia dhe bizneset duhet të operojë me të panjohurën më të madhe, mungesën e punonjësve.

Në fund të vitit 2023 ishin të punësuar zyrtarisht 1,243,085 persona në moshën 15-64 vjeç, të cilët përbëjnë 80% të popullsisë në moshë pune.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.