Vendi ku “mbijnë” milionerët – Vietnami regjistron rritjen më të madhe të të pasurve

Rritjen më të madhe të numrit të milionerëve në botë në dhjetë vitet e fundit e ka shënuar Vietnami, nga vendet europiane Malta dhe Monako hynë në dhjetëshen e parë.

Rënia më e madhe, sa i përket numrit të milionerëve, ka shënuar Nigeria me 48 %, e ndjekur nga Brazili dhe Rusia me përkatësisht 28 dhe 26 %. SHBA, pavarësisht se ishte në vendin e nëntë me një rritje prej 62 %, sërish zë vendin e parë në botë me gati 5.5 milionë milionerë.

Vietnami, ekonomia e të cilit është në rritje si në Kinë dhe Indi, me një rritje prej 98%, sot ka 19.400 milionerë, sipas Visual Capitalist, i cili saktëson se raporti ndjek individët që kanë pasuri likuide të investueshme prej një milion dollarësh ose më shumë. Shifrat, shtojnë ata, janë të rrumbullakosura në njëqind dhe përfaqësojnë banorët e çdo vendi deri në dhjetor 2023.

India dhe Kina kanë fituar qindra mijëra milionerë të rinj në dhjetë vitet e fundit, duke konsoliduar pozitat e tyre si lojtarët kryesorë në pasurinë globale.

Kina, ku numri i milionerëve u rrit me 92%, sot ka më shumë se 860.000 dhe India, me një rritje prej 85%, ka 326,000 milionerë. Mauritius, i cili është në vendin e tretë në listën e vendeve me rritjen më të madhe të numrit të milionerëve, pas Indisë dhe Vietnamit, sot ka 5100, me një rritje prej 87 %.

Në vendin e pestë janë Emiratet e Bashkuara Arabe, ku numërohen 116.500 milionerë me një rritje prej 77%. Pasojnë Malta dhe Monako, pastaj Singapori. Malta shënoi një rritje prej 74 dhe Monako prej 68% dhe sot këto dy vende kanë përkatësisht 10.000 dhe 15.000 milionerë.

Në vendin e nëntë janë SHBA-të, të cilat, pavarësisht rritjes prej 62%, mund të mburren me numrin më të madh të milionerëve në botë. Kina po i afrohet shifrës së një milion milionerëve, duke u bërë vetëm vendi i dytë që i afrohet kësaj shkalle, duke ia kaluar vetëm SHBA-së.

Në vendin e dhjetë është Zelanda e Re me rritje nën 50 % dhe një numër total prej 56.100 milionerësh. Zvicra, Portugalia, Italia, Franca, Gjermania, Greqia dhe Britania e Madhe kanë më së shumti milionerë në Europë, e cila ka shënuar rënie dhe sot ka 602.500 prej tyre.

Republika e Afrikës së Jugut regjistroi një rënie të milionerëve me 20 %, Britania e Madhe me 8% dhe Japonia dhe Hong Kongu me rreth 5%.

Në Europë, Gjermania ka numrin më të madh të milionerëve – 806.000, të cilët iu afruan vendit të dytë Kinës. Vendet afrikane si Nigeria dhe Afrika e Jugut kanë parë një rënie të numrit të milionerëve, pjesërisht për shkak të emigrimit dhe paqëndrueshmërisë ekonomike.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.