AZHBR hap aplikimet për Skemën Kombëtare të fermerëve – Ardita Kuçi: Aplikimet do të jenë të hapura deri më 7 nëntor
Pas miratimit nga qeveria të skemën kombëtare të mbështetjes për fermerët me 5 milionë euro shtesë, AZHBR ka hapur aplikimet.
Drejtuesja e AZHBR Ardita Kuçi, tha në emisionin box to box në ScanTV se aplikimet do të zgjasin për rreth 40 ditë.
Sipas drejtueses së AZHBR-së janë bërë detajimet përkatëse të skemës për përfituesit në sektorët kryesorë, si bujqësia, blegtoria apo peshkimi.
Lidhur me paketën e parë, të muajit mars Kuçi theksoi se janë në dispozicion 16 milionë dollarë , nga të cilat 44 mijë fermerë deri më tani kanë përfituar 50% të subvencioneve.
AZHBR po përgatitet që në vijim të mbështetjes të fusë edhe parimin e konkurrueshmërisë.
Në total, për këtë paketë të mbështtjes në bujqësi kanë aplikuar 71 mijë fermerë dhe shkalla e fituesve është më shumë se 60 për qind.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.