Çmimet e arit, priten nivele maksimale deri në fillim të 2025 – Goldman Sachs: Shkak zhvillimet politike dhe rënia e normave të interesit

 

Goldman Sachs ka parashikuar që çmimi i arit do të arrijë rritjen e tij rekord në nivele të reja maksimale deri në fillim të vitit 2025. Përveç rritjes së tensioneve gjeopolitike, të cilat priren të favorizojnë asetet e sigurta si ari, ka edhe faktorë të tjerë që ndihmojnë në rritjen e mëtejshme të këtij produkti

. Këta faktorë janë rënia e normave të interesit dhe ajo që duket të jetë një kërkesë e pangopur për metalin e çmuar nga bankat qendrore në vendet e tregut në zhvillim.

Siç bëhet e ditur, Goldman rriti objektivin e saj të çmimit të arit në 2,900 dollarë për once nga 2,700 dollarë që është aktualisht, një rritje kjo prej rreth 9%. Goldman theksoi se bankat qendrore të vendeve të tregjeve në zhvillim si Kina qëndrojnë prapa përparimit strukturor të çmimeve të arit që nga viti 2022.

Por, sipas vlerësimeve, përveç normave më të ulëta të interesit dhe kërkesës solide nga bankat qendrore, ari duhet të jetë në “listën rezervë të investitorëve”.

Kjo do të ndodhë duke pasur parasysh rreziqet e shumta në tregje tani si zgjedhjet e ardhshme presidenciale në SHBA si dhe shpërthimi i mundshëm i luftës midis Izraelit dhe Iranit.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.