80.5 mln euro lëndë drusore e djegur! – Në 9 muaj u shkrumbuan 46 mijë hektarë. Shifra më e lartë në 12 vite
Hamit Yzeiraj/SCAN
Temperaturat përvëluese që na shoqëruan kryesisht përgjatë periudhës korrik-gusht, apo dhe zjarrvëniet me qëllim kanë shkaktuar dëme ekonomike për sa I përket lëndës drusore të djegur.
Sipas faqes “EFFIS” e cila monitoron dhe menaxhon zjarret në pyje të Europës, vërehet se në Shiqpëri nga fillimi I vitit e deri në fund të shtatorit janë djegur rreth 46 mijë hektarë tokë në republikën e vendit të cilat erdhën si pasojë e 164 vatrave të zjarrit sipas asaj që raporton kjo faqe. Në 12 vitet e fundit kjo përbënë sipërfaqen më të madhe të djegur.
Nga ana tjetër sipas të dhënave nga Institutit të Statistikave, në një sipërfaqe prej 1 Ha ndodhen mesatarisht 50 metra kub lëndë drusore. E thënë ndryshe përgjatë periudhës janar-shtator të vitit aktual janë djegur 2.3 milionë metër kub dru.
Me një çmim tregu që varijon rreth 35 euro për metër kub, kostoja totale e cila është shkaktuar si pasojë e humbjes drusore nëpër pyje arrinë rreth 80 mln euro. Përveç temperaturave të larta, zjarrëvënia me qëllim ka qënë gjithashtu “protagonist” kryesor në shkaktimin e kësaj kostoje.
Edhe nga të dhënat nga ministria e brendshme tregojnë se viti 2024 pati një rritje të numrit të rasteve problematike që janë ndjekur nga zjarrëfikësit dhe forcat e rendit ku vetëm përgjatë muajit gusht u regjistruan 20 raste më shumë se gushtin e vitit të kaluar.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.