Bizneset, interes në rritje për të “hipotekuar” emrin – Solis: Ja rastet kur refuzohet aplikimi për regjistrimin e markës
Elisabeta Dosku/ SCAN
Interesi i bizneseve shqiptare për të “hipotekuar” emrin apo logon e tyre në mënyrë që të mos u përdoret apo keqpërdoret nga individë të tjerë, ka ardhur në rritje përgjatë këtij viti.
Pranë Drejtorisë së Përgjithshme të Pronësisë industriale janë regjistruar 373 marka biznesi më shumë se një vit më parë.
Në një intervistë për SCAN, Drejtoresha e Përgjithshme e DPPI, Maria Solis, shprehet se interesi më i lartë ka qenë nga sektori i shërbimeve, ndërsa tregon edhe rastet kur një markë nuk mund të regjistrohet.
Nga ana tjetër, Solis sqaron bizneset, se regjistrimin në Qendrën Kombëtare të Biznesit, nuk përkthehet në mbrojtje të markës dhe se janë dy gjëra të ndryshme.
Në Drejtorinë e Përgjithshme të Pronësisë Industriale regjistrohen markat, patentat për shpikje, disenjot industriale dhe treguesit gjeografikë.
Për të gjitha kategoritë, ky vit ka njohur një rritje të aplikimeve dhe regjistrimeve.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.