Çështjet e aksidenteve zgjasin 7-8 vite në gjykata – Çobaj: Nëse s’keni siguracionet e mjeteve paguani dëm deri 700 mijë euro

Diamila Leka/SCAN

 

Në Pallatin e Kongreseve është hapur panairi dyditor përsa i përket të ardhmes së teknologjisë, inovacionit dhe edukimit. Në këtë panair, sipërmarrjet, institucionet bankare si dhe ato arsimore shpalosën programin mbi investimet e teknologjisë dhe inovacionit.

Gjatë fjalës së saj, ministrja për Sipërmarrjen dhe Klimën e Biznesit Delina Ibrahimaj përgëzoi bizneset me synim drejt inovacionit dhe theksoi se do të kenë mbështetje të vazhdueshme dhe nga qeveria.

“Ne si qeveri jemi të bindur që nëpërmjet inovacionit dhe teknologjisë dhe sigurisht edukimit ne mund të ndryshojmë të ardhmen tonë. Ne besojmë fort se nëpërmjet inovacionit, ne do mund të rrisim produktivitetin e kompanive, të rrisim konkurrueshmërinë e kompanive shqiptare nëpër vendet e botës. Ndaj kemi ndërtuar një program të gjerë, të cilin e kemi kurorëzuar nëpërmjet një strategjie që po fillon të zbatohet për mbështetjen e start up-eve.”

Inxhinieri kibernetik Erion Demiri në një intervistë për Scan theksoi rëndësinë që ka investimi mbi inovacion dhe teknologji për bizneset edhe për tregun ndërkombëtar.

“Në përgjithësi biznesi është goxha i ngadalësuar, ata e shikojnë si një shpenzim teknologjinë më shumë sesa një novacion dhe nëj gjë që do u vlejë, megjithëatë, shikojmë që të paktën këto dy vite e fundit, sidomos në fushën e hotelerisë me hapin që ne kemi pasur me tregun Ballkanik dhe europian vëmë re që kemi goxha ndryshim. Ata të cilët janë inovatorë dhe e shikojnë rëndësinë e teknologjisë janë afruar goxha me teër se çkanë qenë më parë.”

Një sipërmarrëse e marketingut digjital tregoi për Scan risitë e kompanisë së saj.

Fatjona Murataj Drejtuese e Agjencie Marketingu Digjital:

“Ne në fakt kemi qenë vjet, por kemi qenë si pjesëmarrës për të parë se çfarë klime ishte këtu dhe këtë vit vijmë si prezantues. Ne prezantojmë shërbimet tona, që ofrojmë te agjencia jonë dhe ajo që është më kryesorja është pjesa e eventeve trajnimeve që bëjmë për inteligjencën artificiale. Duke qenë kompania e parë në Shqipëri që bëjmë këtë gjë, ne mësojmë të gjithë bizneset dhe individët e interesuar si të mësojnë programet e inteligjencës artificiale.”

Kujtojmë që qeveria shqiptare mbështeti start up-et me një grant prej 300 milionë lekësh për vitin 2024.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.