Kryeministri Rama dhe Presidenti Erdogan përurojnë Xhaminë e Namazgjasë/Erdogan: Jemi të interesuar t’i thellojmë edhe më tej marrëdhëniet me Shqipërinë

Diamila Leka/ Scan

 

Pas thuajse 10 vite nga koha kur nisi të ndërtohet Xhamia e Namazgjasë, pritjes së besimtarëve mysliman, i erdhi fundi. Këtë të enjte, ceremonia e inaugurimit u krye në praninë e Presidentit të Turqisë, Regep Tayyip Erdogan dhe kryeministrit Edi Rama shoqëruar me bashkëshortet e tyre.

Gjatë fjalës së tij, kryeministri Rama shprehu mirënjohjen për Presidentin turk, ndërsa theksoi se Xhamia e Namazgjasë do të jetë e një populli të tërë.

“Ka qenë për mua çështje nderi që xhamia e madhe të hynte e pastër në jetën e besimit si objekt kulti në këtë vend ku tempujt mishërojnë harmoninë fetare dhe njerëzit bashkëjetojnë siç tha Papa Françesku tha kur erdhi në Shqipëri jo në harmoni por në vëllazëri fetare. Xhamia e madhe e Namazgjasë është trashëgimia e një populli të tërë. Qoftë e mbarë dhe këmba e kryemyftiut të Tiranës Bilal Teqja I cili prej sot do të jetë kryekujdestari I këtij tempulli dhe u priftë e mbara të gjithë besimtarëve myslimanë. Zoti e bekoftë Shqipërinë dhe na ndihmoftë në rrugën tonë pa kthim e as ndalim drejt majës ku duam të ngremë Flamurin e Skënderbeut e Ismail Qemalit në një Shqipëri të denjë e të mirë për të gjithë shqiptarët pa dallim feje, krahine e ideje.”

Entuziast dhe me emocion shprehet se është ndjerë presidenti i Turqisë teksa shprehet se Xhamia e Namazgjasë, më e madhja në Ballkan, do t’i shërbejë 10 mijë besmitarëve myslimanë. Por midis tjerave, gjatë fjalës së tij përcolli dhe mesazhe kuplimplota për myslimanët.

“Jam shumë entuziast dhe shumë i lumtur që jam këtu bashkë me ju. Për këtë arsye gjithsecili nga ju, ju falenderoj për gjithë këtë emocion që më dhuruat. Jam shumë me fat që ndopdhem në këtë ambient shumë të shqenjtë. Xhamia e namazgjasë më e madhja en ballkan që tashmë do të zëri vendin e saj në kujtimet tona. Xhaminë e Namazgjasë e kemi projektuar si një strukturë e cila në brendësinë e saj transmeton traditat. Do t’i shërbejë 10 mijë besimtarëve myslimanë. Është ndërtuar jo vetëm si një objekt kulti, adhurimi, por është menduar, akoma më e gjerë, që do i shërbejë besimtarëve në çdo aspekt. Synojmë të pasqyrojmë trashëgiminë e pasur kulturore të Shqipërisë. Dua të shprehem se xhamia e namazgjasë është simbol i miqësisë dhe solidaritetit mes nesh.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.