Bankat amerikane rrisin kufirin e borxhit – 70 miliardë dollarë për të zbutur pasojat e falimentimeve

Bankat e mëdha rajonale do të duhet të lëshojnë rreth 70 miliardë dollarë borxh të ri sipas një rregulli të ri të propozuar nga rregullatorët bankar të SHBA-së, pjesë e një përpjekjeje më të gjerë për të forcuar qëndrueshmërinë e sektorit pasi tre huadhënës falimentuamn në fillim të këtij viti.

Propozimi i bërë nga Korporata Federale e Sigurimit të Depozitave, Rezerva Federale dhe Zyra e Kontrolluesit të Monedhave, do t’i sillte bankat me mbi 100 miliardë dollarë aktive më shumë në linjë me gjigantët më të mëdhenj të Wall Street, të cilët tashmë kanë kërkesa për borxhin e tyre.

Vendimi pason një pranverë të trazuar për bankat rajonale, në të cilën Silicon Valley Bank dhe dy huadhënës të tjerë falimentuan, duke i detyruar rregullatorët të ndalojnë depozitat për të shmangur një panik më të gjerë.

Korporata Federale e Sigurimit të Depozitave argumenton se kriza dëshmoi se bankat më të vogla kanë nevojë për rregulla më të rrepta dhe se kërkesa prej tyre për të emetuar më shumë borxhe afatgjatë do të siguronte një zbutje më shumë për humbjet, do të siguronte depozituesit dhe do të inkurajonte investitorët që të shqyrtojnë nga afër operacionet e bankave.

Propozimi, që ka shkaktuar shumë reagime në sektorin e industrisë, do t’i shihte bankat të rrisin emetimin e tyre afatgjatë të borxhit me afërsisht 25%, ose 70 miliardë dollarë. Korporata tha se bankat do të kenë tre vjet kohë nga miratimi i rregullit për të përmbushur standardin e ri.

Nëse finalizohet, huadhënësit do të detyrohen të lëshojnë borxhe në një mjedis ku normat e interesit janë rritur me shpejtësi dhe ndërsa rregullatorët po bëjnë njëkohësisht një propozim të veçantë, gjithëpërfshirës që do t’u kërkonte gjithashtu huadhënësve të rrisin ndjeshëm kapitalin e tyre. Kërkesa për borxhin e secilës bankë do të bazohet në aktivet e saj të ponderuara me rrezikun, aktivet totale ose levën totale, në varësi të numrit më të lartë. Bankat rajonale janë ndër ato që do të ndjejnë më shumë pasojat e këtyre rregullave të reja më të ashpra. Grupet e industrisë kritikuan menjëherë propozimin.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.