BE do të trajtojë subvencionet e gjelbra të SHBA – Von der Leyen: Do të kapërcehet ngërçi i motorëve me djegie të brendshme

Presidentja e Komisionit të BE-së, Ursula von der Leyen tha se është e vendosur të përballet me sfidat që vijnë si pasojë e subvencioneve të SHBA-së për teknologjitë e gjelbra, duke përshpejtuar miratimin e një ligji të bllokuar aktualisht për heqjen e motorëve me djegie nga viti 2035.

Gjatë takimit me kancelarin Olaf Scholz dhe kabinetin gjerman në kuadër të një vizite dy ditore në Berlin, von der Leyen tha se Akti i Reduktimit të Inflacionit të SHBA do të sjellë lehtësira të mëdha tatimore për teknologjitë e pastra të prodhuara në Shtetet e Bashkuara të Amerikës. Ajo shtoi se janë diskutuar veprimet që do të ndërmerren si për shembull negociatat me SHBA për interpretimin e ligjit, investimet e BE-së dhe proceset më të shpejta.

Prodhuesve europianë të automjeteve elektrike u ishte dhënë akses në avantazhet tatimore të SHBA-së, por BE-ja duhej të siguronte që ata të përfitonin gjithashtu në segmentet e baterive dhe komponentëve të baterive, ku nevojiteshin më shumë bisedime me Uashingtonin.

Veprimi legjislativ europian brenda dy javësh do të propozonte lëshimin e ndihmës dhe fondeve evropiane që deri më tani nuk janë përdorur për tranzicionin e gjelbër në vend. Një raport i komisionit mbi konkurrencën, që do të duhej në të njëjtën kohë, do të ndihmonte në uljen e barrierave brenda tregut të brendshëm të BE-së dhe do të adresonte mungesat e fuqisë punëtore të specializuar, të cilën von der Leyen e cilësoi “frenim të rritjes”.

Ppas marrëveshjeve tregtare me Zelandën e Re dhe Kilin, BE-ja po kërkon marrëveshje me Australinë, Meksikën dhe bllokun e Amerikës Latine deri në fund të vitit 2023.

Scholz dhe von der Leyen thanë se marrëveshjet tregtare po shqyrtoheshin gjithashtu me Indonezinë dhe Indinë. Duke komentuar vonesën për përfundimin e shitjeve të automjeteve të reja që emetojnë CO2 në BE në 2035 pasi Gjermania vuri në dyshim mbështetjen e saj, ajo tha se mund të gjendej një zgjidhje për situatën.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.