“Bomba” në themelet e ekonomisë globale – Borxhi i madh i akumuluar nga ekonomitë më të mëdha shkakton shqetësime

Dorina Kurtaj / SCAN

Borxhi masiv i grumbulluar nga ekonomitë më të mëdha në botë po fillon të trondisë tregjet financiare ndërsa zgjedhjet turbullojnë perspektivën fiskale. Një shembull i tillë janë obligacionet franceze, të cilat u sulmuan pas zgjedhjeve të parakohshme dhe planeve ambicioze të shpenzimeve që shkaktuan alarm. Zgjedhjet e parakohshme të shpallura nga presidenti francez Emmanuel Macron pas humbjes së tij në zgjedhjet evropiane kanë shkaktuar tronditje në tregun e obligacioneve të vendit, duke sjellë sërish në plan të parë financat e tij të tmerrshme publike. Me një boshllëk buxhetor prej 5.5% të PBB-së vitin e kaluar, Franca përballet me masa disiplinore nga Bashkimi Europian. Zyra e Buxhetit të Kongresit vlerëson se borxhi publik do të rritet nga 97% në 122% të prodhimit deri në vitin 2034

Shtetet e Bashkuara nuk janë shumë prapa. Zyra e Buxhetit të Kongresit vlerëson se borxhi publik do të rritet nga 97% në 122% të prodhimit deri në vitin 2034 – më shumë se dyfishi i mesatares që nga viti 1994. Ndërsa thesaret e SHBA-së janë të mbrojtura nga statusi i tyre i strehës së sigurt, kurba e yield-eve po i afrohet diapazonit më të gjerë që nga janari, duke reflektuar presionin mbi kostot e huamarrjes afatgjatë.

Investitorët fillimisht “lavdëruan” kryeministren Georgia Meloni si miqësore me tregun. Megjithatë, deficiti buxhetor i vitit të kaluar prej 7.4% ishte më i larti në BE. Kështu, Italia gjithashtu përballet me masa disiplinore të BE-së që do të testojnë optimizmin e tregut. Obligacionet italiane dolën më mirë se homologët e tyre. Roma synon të ulë deficitin në 4.3% këtë vit, por ka një rekord ‘të mjerueshëm’ kohët e fundit në përmbushjen e objektivave fiskalë.

Britania ka qenë në listën e shqetësimeve që nga viti 2022, kur shkurtimet e pafinancuara të taksave nga qeveria e atëhershme konservatore goditën bonot qeveritare dhe sterlinën, duke e detyruar Bankën e Anglisë të ndërhyjë për të stabilizuar tregjet. Një qeveri e re laburiste, e cila është zotuar të rrisë ekonominë duke mbajtur shpenzimet të shtrënguara, përballet me sfida, me borxhin publik afër 100% të PBB-së.

Borxhi publik i Japonisë është dyfishi i ekonomisë së tij, deri tani më i madhi në mesin e ekonomive të industrializuara. Japonia përballet me një më shumë se dyfishim të pagesave vjetore të interesit për borxhin publik në 24.8 trilion jen (169 miliardë dollarë) gjatë dekadës së ardhshme, sipas vlerësimeve të qeverisë.

Për të stabilizuar financat, ekonomitë e përparuara mund të kenë deficite jo më shumë se 1% të PBB-së këtë vit, nga 1.6% vitin e kaluar.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.