Britania rrit pagat me 5% çdo tre muaj – Sondazhet tregojnë se rrogat do të vijojnë të mbeten të larta

Punëdhënësit britanikë ranë dakord për rritje mesatare të pagave me 5% gjatë tre muajve deri në fund të janarit. Një nivel shumë mbi normat historike dhe një treg i ngushtë i punës do të thotë që pagat ka të ngjarë të mbeten të larta, sipas sondazheve të fundit.

Hulumtimi i të dhënave të të ardhurave – IDR – bëri të ditur se rritja mesatare e pagave për punëdhënësit kryesorë britanikë ishte 4.3% në tre muajt deri në fund të tetorit dhe 3.4% në tremujorin e parë të 2022.

Sipas analistëve në vend rritje të tilla relativisht të larta ka të ngjarë të vazhdojnë më tej në vitin 2023 pjesërisht për shkak të ndikimit të rritjes së ardhshme në Pagën Kombëtare të Jetesës. Por tregjet e shtrënguara të punës dhe inflacioni i ngritur do të luajnë gjithashtu një rol.

Paga Kombëtare e Jetesës – një normë e pagës minimale që nuk zbatohet për praktikantët ose punëtorët nën 23 vjeç – është vendosur të rritet me 9.7% në fillim të prillit në 10.42 paund – 12.67 dollarë – në orë.

Banka e Anglisë po monitoron me shumë kujdes rritjen e pagave, pasi shumë prej politikëbërësve të saj kanë frikë se rritja e pagave mbi mesataren do të ngadalësojë rënien e inflacionit, i cili arriti në 11.1% në tetor në nivelin më të lartë të 41 viteve të fundit dhe mbetet dyshifror.

Raporti i IDR, publikohet vetëm disa orë përpara se ministri i financave Jeremy Hunt të prezantojë deklaratën e tij vjetore të buxhetit, në në një kohë që vazhdojnë grevat dhe protestat e mjekëve, infermierëve, punonjësve të transportit dhe nëpunësve civilë, të cilët të gjithë kërkojnë rritje më të mëdha pagash.

IDR tha se të dhënat e publikuar së fundmi kryesisht pasqyronin marrëveshjet e pagave të sektorit privat – veçanërisht në prodhim – pasi pak marrëveshje për pagat në sektorin publik u arritën midis nëntorit dhe janarit. Në total, shifrat përfshijnë 75 marrëveshje pagash që mbulojnë më shumë se gjysmë milioni punëtorë.

Shifrat zyrtare treguan se rritja e pagave u ngadalësua në tremujorin e janarit me pagën bazë, duke përjashtuar bonuset me 6.5% krahasuar me një rritje prej 6.7% në tre muajt deri në fund të dhjetorit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.